Kigali

KNC yatangaje ibanga rikomeye umutoza Maso yamenye ku mukino wa Rayon Sports bigatuma amwirukana

Imyidagaduro   Yanditswe na: Dusingizimana Remy 22 January 2020 Yasuwe: 4779

Umushoramari akaba na nyiri ikipe ya Gasogi United yatangaje ko yafashe umwanzuro wo kwirukana umutoza we wungirije Nshimiyimana Maurice bita Maso, kubera ubunyamwuga buke bwo kumena amabanga y’ikipe.



Mbere y’umukino Gasogi yatsinzwe na Rayon Sports igitego 1-0, umutoza Maso ariwe wazanye igitekerezo ko mu banyezamu bazana umukinnyi usanzwe aho gukinisha umunyezamu wa 3 witwa Patrick wari wirukanwe kubera umusaruro mubi.

KNC yavuze ko mbere y’uyu mukino bari bafite ikibazo cy’abanyezamu,hanyuma bafata umwanzuro wo kuba bagaruye umunyezamu Patrick gusa uyu Maso yababwiye ko bidakwiriye ahubwo bazana umukinnyi bakajijisha Rayon Sports.

KNC yagize ati “ Icyo gihe naravuze nti uyu mwana ntitwamugumishamo kugeza igihe Kwizera Olivier azabonera Licence ? Umutoza Maso ati reka reka, aho kugira ngo hajyemo uyu munyezamu, mu izamu ahubwo twashyiramo Mackenzie kuko azi gukinisha amaguru…



Niba risk muyifashe, ibizakurikiraho nyuma yaho ntimuzabimbaze ariko ndubaha igitekerezo cyanyu ...igitekerezo yazanye , twagisanze mu kinyamakuru Igihe."

KNC yavuze ko akazi ke ari ukurinda abakinnyi by’umwihariko abakiri bato ariyo mpamvu yatunguwe no kumenya ko uyu Maso yazanye igitekerezo yarangiza akagikwirakwiza mu binyamakuru ibintu byashoboraga kuviramo umunyezamu Gael wari wenyine kuvunwa n’abakinnyi ba Rayon Sports kugira ngo batsinde cyane ko ariwe munyezamu wenyine wari uhari.

Ati " Mwarabibonye bari bafite amakuru kuko benshi barambwiraga bati turabatsinda byinshi. Bati reka Gaël akonyoke urebe. Ku buryo n’abafana bavugaga ngo mumuvune. Mbere y’umukino hari n’aho abantu bamwandikiye messages bamubwira ngo turakuvuna , turabizi ko uri wenyine….icyo kintu ni ikosa rikomeye.”



KNC yavuze ko yatunguwe no kumva Maso ajya mu binyamakuru agatangaza ko yasezeye ku kazi kubera impamvu zirimo kudahembwa.

Yagize ati “Ntakintu mfa na Maso, ni umutoza mwiza ariko ibanga ry’akazi ntakirimo. Nicyo kintu twapfuye, ntakindi. Nta ruswa Maso yariye nta nikindi twapfuye.

Twapfuye kutagira ibanga ry’akazi kandi ngira ngo n’undi uwo ariwe wese ntabwo wamushimira ibyo bintu. "

Maso wabaye umutoza wungirije mu makipe nka Rayon Sports, Police FC na Bugesera FC,yandikiwe ibaruwa imuhagarika ku kazi kuwa 7 Mutarama 2020 ariko nyuma aza kwirukanwa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Xavi yatangaje undi mukinnyi bakinannye ashyira ku rwego rumwe na Lionel...

Kabuhariwe Xavi Hernandez wahoze akinira ikipe ya FC Barcelona yavuze ko...
6 April 2020 Yasuwe: 3158 0

Umukinnyi wa Manchester City ari mu mazi abira kubera gukora ikirori...

Mu Bwongereza no mu bindi bihugu bitandukanye byo ku isi abantu bose...
5 April 2020 Yasuwe: 7326 1

Amb. Nduhungirehe yasubije perezida wa Rayon Sports wasabye Leta guhemba...

Amb. Nduhungirehe Olivier, Umunyamabanga wa Leta muri Minisiteri y’Ububanyi...
5 April 2020 Yasuwe: 6022 3

UEFA yafashe icyemezo ndakuka kuri Champions League na Europa League...

Ishyirahamwe ry’umupira w’amaguru I burayi “UEFA”ryamaze gufata umwanzuro...
5 April 2020 Yasuwe: 6920 0

Xavi wamamaye muri FC Barcelona yatanze akayabo k’amadolari yo gufasha uyu...

Xavi Hernandez wamenyekanye cyane mu ikipe ya Barcelona n’umugore we Nuria...
4 April 2020 Yasuwe: 1781 0

Perezida wa Rayon Sports yasabye ikintu gikomeye Leta nyuma y’ubutumwa...

Perezida wa Rayon Sports Munyakazi Sadate yashimiye Minisitiri wa siporo...
4 April 2020 Yasuwe: 4723 0