Kigali
startimes

Leicester City yandikiye amateka kuri Southampton nyuma yo kuyinyagira ibitego 9-0

Imyidagaduro   Yanditswe na: Martin Munezero 26 October 2019 Yasuwe: 1467

Ikipe ya Leicester City yaciye agahigo ko gutsindira ibitego byinshi hanze y’ikibuga cyayo bwa mbere mu mateka ya shampiyona y’Abongereza, nyuma yo kujya gutsindira Southampton i Saint Marry ibitego 9-0.



Hari mu mukino w’umunsi wa 10 wa shampiyona y’Abongereza wakinnwe mu ijoro ryakeye. Muri uyu mukino Jammy Vardy na Ayoze Perez buri umwe yawutsinzemo ibitego bitatu wenyine.

Southampton yakomwe mu nkokora n’ikarita itukura yahawe myugariro Ryan Bertrand ku munota wa 12 w’umukino. Ni ikarita yaje ikurikira igitego Ben Chilwell yari yatsinze ku munota wa 10.

Ni igitego cyaje gikurikirwa n’ibindi bya Youri Tielemans watsindaga igitego cya gatatu muri shampiyona, James Maddison watsinze igitego cya gatatu kuri Coup-Franc, Ayoze Perez yongeramo ibindi bitego bibiri, mbere y’uko Vardy atsinda igitego cya gatanu mbere y’uko igice cya mbere kirangira.

Leicester City yari imaze iminsi ibiri yizihije isabukuru y’umwaka umwe Vichai Srivaddhanaprabha wari umuyobozi wayo aguye mu mpanuka ya kajugujugu, yagarukanye inyota yo gushaka ibindi bitego mu gice cya kabiri birangira ibonye bine.

Ibi birimo ibindi bibiri bya Jammy Vardy, icya Ayoze Perez ndetse n’icyo ku munota wa 85 cyatsinzwe na James Daniel Maddson.

Iyi mvura y’ibitego Leicester City yatsinze, yatumye ifata umwanya wa kabiri muri shampiyona y’Abongereza n’amanota 20 aho irushwa atanu na Liverpool iyoboye iyi shampiyona. Iyi Leicester irarusha Manchester City ya gatatu inota rimwe.

Leicester City kandi ni bwo bwa mbere mu mateka ya Premier league yatsindiraga ibitego 9 hanze y’ikibuga cyayo.

Ikindi ni uko iyi kipe yakuyeho agahigo kari kamaze imyaka 24 gafitwe na Manchester City, ubwo yatsindaga Ipswich ibitego 9-0.

Leicester City yanabaye ikipe rukumbi ishoboye gutsinda ibitego 5-0 mu gice cya mbere, ikuraho agahigo ko muri 2010 ka Manchester City ubwo yabitsindaga Burnley.

Leicester kandi yabaye ikipe ya kabiri mu mateka ya Premier league igize abakinnyi babiri batsinze Hattrick mu mukino umwe. Indi kipe yagize aka gahigo ni Arsenal ubwo yatsindaga iyi Southampton muri 2003. Pennant na Pires ni bo babikoze.

Southampton yo yanditse amateka yo gutsindwa bwa mbere ibitego 9 mu marushanwa atandukanye.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Cristiano Ronaldo ashobora guhura na Real Madrid muri 1/4 cya UEFA...

Uyu munsi habaye tombola ya 1/4 cya UEFA Champions League yarangiye amakipe...
10 July 2020 Yasuwe: 1342 0

Munyakazi Sadate yasubije KNC wareze Rayon Sports muri FERWAFA kubera...

Umuyobozi w’ikipe ya Rayon Sports,Munyakazi Sadate,yibukije Gasogi United ko...
10 July 2020 Yasuwe: 2474 0

Rayon Sports yasabye APR FC kongera kuyitiza Sugira Ernest

Ikipe ya Rayon Sports yashimye umusaruro Sugira Ernest yayihaye ariyo...
10 July 2020 Yasuwe: 1021 0

Thierry Henry yapfukamye iminota 8:46 mbere y’umukino yibuka George Floyd...

Thierry Henry, umutoza w’ikipe ya Montreal Impact akaba n’icyamamare mu...
10 July 2020 Yasuwe: 1850 0

KNC yareze Rayon Sports muri FERWAFA ko ishaka kumutwarira umukinnyi...

Umuyobozi w’ikipe ya Gasogi United,Kakoza Nkuliza Charles (KNC),yandikiye...
9 July 2020 Yasuwe: 3944 0

Robin Van Persie yavuze abakinnyi 3 abona bakwiriye kuvamo uhabwa Ballon...

Uwahoze ari rutahizamu ukomeye muri Arsenal na Manchester United,Robin Van...
9 July 2020 Yasuwe: 2190 0