Kigali

Manchester City ishobora gufatirwa ibindi bihano bitarahabwa indi kipe na FA nitsindwa ubujurire

Imyidagaduro   Yanditswe na: Dusingizimana Remy 16 February 2020 Yasuwe: 2208

Kuwa Gatanu w’iki Cyumweru taliki ya 14 Gashyantare 2020 nibwo byamenyekanye ko Manchester City yahanishijwe imyaka 2 idakina amarushanwa ya UEFA no gutanga miliyoni 30 z’amayeri kubera kwica amabwiriza mu byo kugura abakinnyi ibizwi nka Financial Fair play.



Nubwo iyi kipe yajuriye muri TAS,amakuru aravuga ko ishobora no guhabwa ibihano birenze na FA birimo no kwamburwa igikombe cya shampiyona yatwaye mu mwaka wa 2014 cyangwa uwa 2012.

Nkuko Mail sport ibitangaza,iyi kipe niramuka itsinzwe ubujurire bwayo muri TAS ibihano yahawe na UEFA bikagumaho,ishobora kuzahanishwa no kwamburwa igikombe cya Premier League yatwaye mu mwaka wa 2014 na FA.

Manchester City ishinjwa kugura abakinnyi benshi uko yishakiye ntigire abo igurisha ndetse no kubesha ibijyanye n’amafaranga ihabwa n’abaterankunga bayo no kwanga korohereza UEFA mu iperereza.



Manchester City irashinjwa aya makosa hagati y’umwaka wa 2012 n’uwa 2016,ibifashijwemo n’abaherwe bayo bo mu mujyi wa Abu Dhabi.

Ibihano Manchester City yafatiwe bishobora gutuma ihatirizwa kugurisha abakinnyi bayo bakomeye barimo Raheem Sterling, Kevin De Bruyne na Aymeric Laporte.

Akanama ka Premier League ntikaracira urubanza Manchester City kuko yajuriye ndetse nta nicyo karavuga ku bihano bya UEFA iyi kipe yafatiwe gusa ibihuha biravuga ko gashobora guterana kakayihanisha kuyikuraho amanota menshi muri shampiyona y’uyu mwaka,kuyambura igikombe cya shampiyona 2012 cyangwa 2014.



Haravugwa byinshi ku bihano bya Manchester City gusa kubera ko FA ikorana na UEFA uko byagenda kose nayo ishobora kuyifatira ibihano bikarishye mu gihe cyose ubujurire bwayo muri TAS yabutsindwa.imyanzuro y’urubanza izatangazwa mu mpeshyi.

Benshi batangaje ko batunguwe n’ibihano City yafatiwe barimo n’umutoza Klopp wavuze ko “biteye agahinda.”City yambuwe igikombe cya 2014 cyahabwa Liverpool yabaye iya kabiri uwo mwaka mu gihe icya 2012 cyahabwa Manchester United yagitwaye ku bitego.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

KBS yahagaritse abakozi bayo amezi 3 kubera igihombo cyatewe na...

Kompanyi itwara abagenzi ya Kigali Bus Service yahagaritse abashoferi bayo...
1 April 2020 Yasuwe: 1974 0

Cesc Fabregas yavuze abatoza babiri yakunze cyane kurusha abandi mu...

Umukinnyi Cesc Fabregas uri gutanga amakuru muri iyi minsi yavuze ko...
1 April 2020 Yasuwe: 1770 0

Juventus yahuye n’ikibazo gishobora gutuma igurisha Cristiano...

Ibinyamakuru byo mu gihugu cy’ubutaliyani bibyutse byandika ko ikipe ya...
31 March 2020 Yasuwe: 4226 0

Lionel Messi yatangaje umukinnyi wa Chelsea aha amahirwe yo kuzayobora isi...

Umukinnyi wa mbere ku isi mu mupira w’amaguru,Lionel Messi yatangaje ko mu...
31 March 2020 Yasuwe: 4827 0

Rutahizamu w’umunyarwanda yatanze ubuhamya bw’ukuntu yakoreshaga...

Rutahizamu w’umunyarwanda wakiniye amakipe atandukanye hano mu Rwanda ari mo...
30 March 2020 Yasuwe: 9230 0

Karim Benzema yibasiye cyane Olivier Giroud bakinannye mu ikipe...

Rutahizamu wa Real Madrid Karim Benzema yibasiye cyane mugenzi we bavuka mu...
30 March 2020 Yasuwe: 3430 0