Kigali
startimes

Manchester United na Chelsea zitumye urugamba rwo kwerekeza muri UEFA Champions League rukomera cyane

Imyidagaduro   Yanditswe na: Dusingizimana Remy 28 April 2019 Yasuwe: 4519

Mu mukino wari utegerejwe na benshi muri shampiyona y’Ubwongereza,warangiye Chelsea FC yari yasuye inganyije igitego 1-1 na Manchester United yari imaze iminsi ihagaze nabi muri Premier League.



Manchester United yafatwaga nk’insina ngufi,yaje muri uyu mukino ishaka gutsinda ngo ikure ku mwanya wa 5 Arsenal yari yatsinzwe na Leicester City ibitego 3-0,yanganyije na Chelsea iri ku mwanya wa 4 igitego 1-1.

Ku munota wa 11 nibwo Manchester United yafunguye amazamu ku gitego cyatsinzwe na Juan Mata ku mupira mwiza cyane yahawe na Luke Shaw.

Manchester United yarushaga Chelsea FC cyane,yagerageje kubona amahirwe menshi imbere y’izamu ariko ntiyabasha kuyabyaza umusaruro.

Ku munota wa 43 w’umukino,umunyezamu David de Gea uri ku rwego rwo hasi cyane muri iyi minsi yatumye Chelsea FC yishyura,kuko yatewe umupira ukomeye na Rudiger aho kumukubita ashaka kuwufata uramucika usanga Marcos Alonso aho yari ahagaze ahita atsinda igitego.

Mu minota 7 y’inyongera amakipe yombi yabonye uburyo bukomeye aho ku ruhande rwa Manchester United,Marcos Rojo yateye umutwe wari uvuye muri koloneri usanga Pedro aho yari ahagaze mu izamu awukuramo mu gihe Chelsea FC nayo yabonye uburyo bukomeye ubwo Gonzalo huguain yacikaga ba myugariro ba Manchester United bagira ngo yaraririye ateye De Gea awukuramo.

Igice cya kabiri cyatangiye Chelsea FC iri hejuru ya Manchester United ndetse iyirusha guhererekanya umupira,ariko ntacyo byatanze kuko umukino warangiye ari 1-1.

Arsenal yanyagiwe na Leicester City ibitego 3-0 yuzuza umukino wa 3 wikurikiranya itsindwa ndetse biyibuza kubona amahirwe yo kujya muri Big 4.

Manchester City yatsinze Burnley igitego 1-0 cya Sergio Aguero,biyifasha kuyobora shampiyona n’amanota 92 kuri 91 ya Liverpool ya kabiri.

Urugamba rwo kurangiza mu makipe 4 ya mbere rurakomeye kuko mu gihe habura imikino 2 Tottenham iri ku mwanya wa 3 n’amanota 70,Chelsea ni iya 4 n’amanota 68,Arsenal iri ku mwanya wa 5 n’amanota 66 mu gihe Manchester United ari iya 6 n’amanota 65.





Uko imikino isigaye iteganyijwe

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Rayon Sports yamaze gusinyisha Manace Matatu wakiniraga ikipe ya Gasogi...

Nyuma yo gusinyisha umutoza Guy Bukasa n’umwungiriza we,ikipe ya Rayon...
5 July 2020 Yasuwe: 2160 1

Reba urutonde rw’amakipe 5 igihangage Lionel Messi ashobora kwerekezamo

Ibinyamakuru byandika Siporo ku mugabane w’Uburayi bimaze iminsi bivuga ko...
5 July 2020 Yasuwe: 2669 0

Umutoza Arteta yagiriye inama ikomeye abayobozi b’ikipe ya Arsenal

Umutoza w’ikipe ya Arsenal,Mikel Arteta umaze gutsinda imikino 3...
5 July 2020 Yasuwe: 1829 0

Karim Benzema agiye kuryozwa isebanya yakoreye Mathieu Velbuena akoresheje...

Umukinnyi w’ Umufaransa ufite inkomoko muri Afurika unakinira Real Madrid,...
5 July 2020 Yasuwe: 1517 0

Impunzi 2 zo mu nkambi ya Mahama zarashwe zigerageza kwinjiza...

Polisi y’u Rwanda yatangaje ko inzego z’umutekano zarashe ku itsinda...
4 July 2020 Yasuwe: 1413 0

Rayon Sports yamaze kwishyura umutoza Javier Martinez Espinosa

Ikipe ya Rayon Sports yamenyesheje FIFA ko yamaze kwishyura amafaranga...
4 July 2020 Yasuwe: 1816 0