Kigali

Manzi Thierry na Sefu bashobora kutazakina umukino uzahuza APR FC na Rayon Sports

Imyidagaduro   Yanditswe na: Martin Munezero 15 December 2019 Yasuwe: 7834

Umutoza wa APR FC, Umunya-Maroc Adil Erradi Mohamed, yavuze ko ashobora gukina umukino wa Rayon Sports uzaba ku wa Gatandatu utaha, adafite abakinnyi babiri agenderaho, Manzi Thierry na Niyonzima Olivier Sefu, bavunitse.



Ibi uyu mutoza yabitangaje ubwo yaganiraga n’itangazamakuru nyuma y’umukino APR FC yari imaze gutsindamo Heroes FC igitego 1-0.

Kapiteni wa APR FC, Manzi Thierry ukina mu mutima wa ba myugariro na Niyonzima Olivier Sefu ukina mu kibuga hagati, imbere ya ba myugariro, bombi bageze muri iyi kipe y’ingabo mu mpeshyi, bavuye muri Rayon Sports.

Adil Erradi yemeje ko impamvu aba bakinnyi bamaze iminsi badakina atari ukubaruhutsa nk’uko abenshi babigarukaho, ahubwo ari uko barwaye ndetse bafite amahirwe make yo gukina umukino wa Rayon Sports usoza imikino ibanza, uzaba ku wa Gatandatu utaha.



Ati "Muri iyi mikino ibanza twagerageje guhindura ikipe kugira ngo buri wese akine nk’uko mwabibonye n’abakina mu ikipe y’abato barakinnye kandi ni byiza ku ikipe. Ntekereza ko abakinnyi bose, baba abato, abamaze kumenyera n’abari mpuzamahanga bose batekereza ku mukino utaha uzaduhuza na Rayon Sports.’’

"Ndi kuwutegura, buri wese agomba gukina. Manzi nibwo akiva mu mvune, tuzabireba mu cyumweru hagati uko ameze, na Sefu yaravunitse. Amahirwe y’uko bakina kuri Rayon Sports ni 45%, ni yo mpamvu nashyizemo Placide. Nibaba bameze neza bazakina.’’

Mu mikino itatu iheruka, APR FC yahuye na Gicumbi, Gasogi United na Heroes FC. Abenshi basanga aba bakinnyi barabikiwe umukino wa Rayon Sports kugira ngo hirindwe ko bagira ikindi kibazo cyangwa bakabona amakarita yatuma basiba uwo mukino.



Abandi bakinnyi ba APR FC batakoreshejwe ku mukino wa Heroes FC ni Byiringiro Lague wabanje ku ntebe y’abasimbura, Omborenga Fitina na Bukuru Christophe (wavuye muri Rayon Sports), batari mu bakinnyi 18.

Imanishimwe Emmanuel wari umaze hafi ukwezi adakina kubera imvune yagiriye mu mukino w’u Rwanda na Cameroun tariki ya 17 z’ukwezi gushize, yinjiye mu kibuga ku munota wa 34, asimbuye Nshimiyimana Yunussu wavunitse.

APR FC iyoboye urutonde rwa Shampiyona n’amanota 34, irusha amanota atandatu Rayon Sports ya kabiri, yo ihura na Mukura Victory Sports kuri iki Cyumweru.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble

    iyo ni mind game men, nibaze Salupong abasezereho Yannick abakire. apr baragirango bazabone ibyo bitwaza.

    3 months ago
  • chat_bubble Mimi

    iyo ni mind game men, nibaze Salupong abasezereho Yannick abakire. apr baragirango bazabone ibyo bitwaza.

    3 months ago

Inzindi nkuru

Xavi wamamaye muri FC Barcelona yatanze akayabo k’amadolari yo gufasha uyu...

Xavi Hernandez wamenyekanye cyane mu ikipe ya Barcelona n’umugore we Nuria...
4 April 2020 Yasuwe: 1378 0

Perezida wa Rayon Sports yasabye ikintu gikomeye Leta nyuma y’ubutumwa...

Perezida wa Rayon Sports Munyakazi Sadate yashimiye Minisitiri wa siporo...
4 April 2020 Yasuwe: 4230 0

Cristiano Ronaldo agiye kuba umukinnyi wa mbere w’umupira w’amaguru ku isi...

Kabuhariwe Cristiano Ronaldo ukinira ikipe ya Juventus ari hafi gukora...
4 April 2020 Yasuwe: 5447 1

Imodoka nziza cyane Cristiano Ronaldo wishyize mu kato yaguze ku kayabo...

Cristiano Ronaldo, Rutahizamu wa Juventus kuri ubu wishyize mu kato mu rugo...
4 April 2020 Yasuwe: 3673 0

Umukinnyi wa Atletico Madrid yakomerekeje abafana ba Liverpool yita imbwa...

Umukinnyi wa Atletico Madrid witwa Marcos Llorente yakoze mu nkovu abakunzi...
4 April 2020 Yasuwe: 1950 0

Umunyezamu wa Chievo yahishuye ubugome yakorewe na Cristiano Ronaldo...

Uwahoze ari umunyezamu wa Chievo witwa Stefano Sorrentino yatangaje ko...
4 April 2020 Yasuwe: 3656 0