Kigali

Mashami Vincent yaciye amarenga y’abakinnyi 11 ashobora kubanzamo ahangana na Mozambike

Imyidagaduro   Yanditswe na: Dusingizimana Remy 14 November 2019 Yasuwe: 2522

Imikino yo mu matsinda yo gushaka itike y’igikombe cya Afurika kizabera muri Cameroon mu mwaka wa 2021 yatangiye aho amakipe amwe yabashije kubona amanita ya mbere mu gihe Amavubi kimwe n’abandi bategereje kuri uyu wa Kane kugira ngo barebe ko bakoramo.



Umutoza Mashami Vincent yakoresheje imyitozo ya nyuma yari yihariye ku kibuga Zimpeto kiraberaho umukino nyirizina,aca amarenga y’uko ashobora kuza gupanga Amavubi ashaka gukora amateka yo gusubira muri CAN aherukamo muri 2004.

Amavubi amaze igihe yitwara neza arashaka kwereka abanyarwanda ko igihe kigeze ngo bongere kwerekeza muri CAN,aho arabitangira kuri uyu wa Kane saa 18h00.

Nkuko amakuru Umuryango ukesha abanyamakuru bari I Maputo abitangaza,Mashami yibanza ku gupanga ikipe yuzuyemo abakinnyi bamenyereye gutanga imipira ivamo ibitego ariyo mpamvu abarimo Muhadjiri,Haruna na Muhire Kevin bashobora kubanza mu kibuga.

Imyitozo ya nyuma umutoza Vincent Mashami yakoresheje yagaragaje ko ashobora gukoresha abakinnyi 4 inyuma, agakoresha abakinnyi 3 hagati n’abandi bakinnyi 3 bagakina bataha izamu.

Amavubi ari mu itsinda rya F ririmo ikipe ya Mozambique bakina kuri uyu wa kane, Cameroon izakira irushanwa,yaraye inganyirije mu rugo na Cape Verde 0-0 mu mukino wa mbere.

Abakinnyi 11 bashobora kubanza mu kibuga:

Umuzamu: Kimenyi Yves
Ba Myugariro: Omborenga Fitina, Rwatubyaye Abdul, Salomon Nirisarike, Imanishimwe Emmanuel
Abakina hagati: Djihad Bizimana, Muhire Kevin, Haruna Niyonzima
Abataha izamu: Tuyisenge Jacques, Muhadjili Hakizimana, Kagere Meddie

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

APR FC yatangiye neza urugendo rwo kwisubiza igikombe cy’Intwari inyagira...

Ikipe ya APR FC yatangiye urugendo rwo kwisubiza igikombe cy’Intwari...
25 January 2020 Yasuwe: 3223 3

APR FC igiye gukina na Mukura VS idafite abakinnyi bayo batatu

Ikipe y’ingabo z’igihugu yasoje imyitozo ya nyuma yabereye ku kibuga...
25 January 2020 Yasuwe: 2274 0

Abafana ba Manchester United bateguye imyigaragambyo yo kwamagana abaherwe...

Abafana ba Manchester United bari mu kababaro k’uko ikipe yabo iri gutsindwa...
25 January 2020 Yasuwe: 2287 0

Kiyovu Sport niyo yasimbuye Rayon Sports mu gikombe cy’Intwari...

Mu itangazo FERWAFA yashyize ahagaragara kuri uyu wa Gatanu, yemeje ko...
25 January 2020 Yasuwe: 1471 2

Umukinnyi wahoze muri FC Barcelona yatangaje ikintu abakinnyi bayo bose...

Umukinnyi witwa Jean-Clair Todibo wa FC Barcena ariko watijwe muri Schalke...
24 January 2020 Yasuwe: 6269 0

Rayon Sports yashyize hanze ibisabwa kugira ngo yitabire amarushanwa...

Ubuyobozi bw’ikipe ya Rayon Sports bwashyize hanze bimwe mu bisabwa abashaka...
24 January 2020 Yasuwe: 4285 4