Kigali
startimes

Micheal Sarpong yakuye Rayon Sports mu nzara za Gicumbi FC yari yayitendetseho

Imyidagaduro   Yanditswe na: Dusingizimana Remy 24 November 2019 Yasuwe: 4802

Bigoranye cyane ikipe ya Rayon Sports ibonye amanota 3 yakuye kuri Gicumbi FC nyuma y’aho rutahizamu wayo Micheal Sarpong ayiboneye igitego kimwe rukumbi cyabonetse muri uyu mukino ku munota wa 85.



Rayon Sports iri kurwana no kureba ko yakomeza kuguma mu rugamba rwo guhatanira shampiyona rukaze cyane muri uyu mwaka,yagowe bikomeye na Gicumbi FC iri ku mwanya wa nyuma gusa ku munota wa 85 yaje guca akagozi yari yahambirijwe ibona igitego cy’insinzi ibifashijwemo na Micheal Sarpong.

Muri uyu mukino w’umunsi wa cyenda wa Shampiyona wabereye kuri Stade ya Kigali i Nyamirambo,amakipe yombi yagerageje gutanguranwa kwinjira mu mukino ariko Rayon Sports yari imbere y’abakunzi bayo ibona uburyo bwiza ku munota wa 27 ubwo Sarpong yasigaranaga n’umunyezamu ananirwa kumuroba.

Ku munota wa 30 nabwo Sidibe yabonye umupira mwiza mu rubuga rw’amahina ntiyasha kuwuboneza mu nshundura.

Gicumbi FC yasatiriwe cyane mbere y’uko igice cya mbere kirangira ariko yihagararaho ikirangiza idatsinzwe igitego gusa nayo hari aho yagiye inyuzamo ikataka izamu rya Rayon Sports ariko ntibiyikundire.

Rayon Sports yihariye igice cya mbere, yagarukanye ingufu mu gice cya kabiri ishaka igitego ariko Gicumbi iyereka ko nayo itavuye mu majyaruguru gutanga amanota byoroshye.

Ku munota wa 57, Rayon Sports yatsinze igitego ku mupira w’umuterekano watewe na Rutanga Eric,Iragire saidi awushyira mu izamu n’umutwe, ariko umusifuzi wo ku ruhande azamura igitambaro avuga ko habayeho kurarira.

Umutoza Espinoza yagerageje gukora impinduka yinjiza mu kibuga Bizimana Yannick akuramo Iranzi Jean Claude,hanyuma Sekamana Maxime asimbura Mugisha Gilbert.

Rayon Sports yahigaga igitego n’imbaraga nyinshi,yabonye amahirwe ku munota wa 85,Micheal Sarpong asubiza imitima y’abafana mu gitereko atsinda igitego cyari gikenewe cyane.

Iki gitego cya Micheal Sarpong cyahesheje amanota atatu ikipe ya Rayon Sports,bituma ifata umwanya wa gatatu n’amanota 18.

Mu yindi mikino yabaye uyu munsi, Bugesera FC yatsinze Mukura Victory Sports igitego 1-0 mu Bugesera mu gihe Police FC yatsinze Etincelles FC igitego 1-0 cyatsinzwe na Iyabivuze Osee.

Police FC yafashe umwanya wa kabiri n’amanota 21 inganya na APR FC ya mbere ku rutonde rw’agateganyo rwa shampiyona.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble

    NDUMVA GITINYIRO IBIRIMO NEZA IKOMEREZAHO TURAYISHIGIKIYE

    November 2019
  • chat_bubble Muhoza

    Rayon sport yakinnye umukino mubi cyane, wabonaga nta ngufu bafite batanahuza umukino. wagirango ntamyitozo bakorana. nibagarure wa mupira urimo ishyaka ryinshi aho bashota umuzamu wa advertisere agacanganyikirwa mbega nkabirya bakoreye marine fc. ikindi coach wabo ubona atari aggressive cyane.

    November 2019
  • chat_bubble Muhoza

    Rayon sport yakinnye umukino mubi cyane, wabonaga nta ngufu bafite batanahuza umukino. wagirango ntamyitozo bakorana. nibagarure wa mupira urimo ishyaka ryinshi aho bashota umuzamu wa advertisere agacanganyikirwa mbega nkabirya bakoreye marine fc. ikindi coach wabo ubona atari aggressive cyane.

    November 2019

Inzindi nkuru

Cristiano Ronaldo ashobora guhura na Real Madrid muri 1/4 cya UEFA...

Uyu munsi habaye tombola ya 1/4 cya UEFA Champions League yarangiye amakipe...
10 July 2020 Yasuwe: 1130 0

Munyakazi Sadate yasubije KNC wareze Rayon Sports muri FERWAFA kubera...

Umuyobozi w’ikipe ya Rayon Sports,Munyakazi Sadate,yibukije Gasogi United ko...
10 July 2020 Yasuwe: 2259 0

Rayon Sports yasabye APR FC kongera kuyitiza Sugira Ernest

Ikipe ya Rayon Sports yashimye umusaruro Sugira Ernest yayihaye ariyo...
10 July 2020 Yasuwe: 915 0

Thierry Henry yapfukamye iminota 8:46 mbere y’umukino yibuka George Floyd...

Thierry Henry, umutoza w’ikipe ya Montreal Impact akaba n’icyamamare mu...
10 July 2020 Yasuwe: 1712 0

KNC yareze Rayon Sports muri FERWAFA ko ishaka kumutwarira umukinnyi...

Umuyobozi w’ikipe ya Gasogi United,Kakoza Nkuliza Charles (KNC),yandikiye...
9 July 2020 Yasuwe: 3878 0

Robin Van Persie yavuze abakinnyi 3 abona bakwiriye kuvamo uhabwa Ballon...

Uwahoze ari rutahizamu ukomeye muri Arsenal na Manchester United,Robin Van...
9 July 2020 Yasuwe: 2175 0