Rutahizamu Mohamed Salah ukinira Liverpool yatangaje ko kuva yagera muri Liverpool umukinnyi watumye arira ari Dejan Lovren bahoze bakinana ubwo yamubwiraga ko agiye kuva muri iyi kipe akerekeza muri Zenit St Petersburg.

Sponsored Ad

Mohamed Salah yavuze ko uyu munya Croatia yari inshuti ye magara ndetse byamugoye kwakira ko uyu mukinnyi wamwakiriye neza ubwo yavaga muri AS Roma agiye kugenda.

Salah yabwiye Bein Sports ati “Byari bibabaje cyane.Twararize turi hanze ubwo yambwiraga ko agiye kugenda.

Twasangiye ibihe byiza byinshi.Nashimishijwe nuko yahisemo kugenda ariko ndanababara cyane kuko yari inshuti yanjye nziza.Turacyavugana.”

Mohamed Salah yavuze ko Liverpool ishaka gutwara igikombe cya shampiyona ku nshuro ya 2 yikurikiranya gusa yemeza ko bigoye cyane kubera ingaruka nyinshi zatewe na Covid-19.

Ati “Ibintu bisa n’ibyahindutse ubu kubera Coronavirus,kuko amakipe yose anganya amahirwe yo gutsinda biturutse ku guhagarika abafana ku bibuga.

Dufite abakinnyi bakiri bato bari gukina neza.Ntabwo navuga ku bijyanye no kugura abakinnyi,ibyo n’iby’umutoza.”

Mo Salah amaze gutsinda ibitego 17 mu marushanwa yose uyu mwaka ariko yahishuye ko buri gihe aba ashaka gukina iminota 95 kuri buri mukino.