skol
Kigali
startimes

Mose yambukije abisirayeli inyanja itukura ariko ntiyageze mu gihugu cy’isezerano-Ubutumwa Sadate yageneye aba Rayons

Imyidagaduro   Yanditswe na: Dusingizimana Remy 22 September 2020 Yasuwe: 2877

Uwari umuyobozi w’ikipe ya Rayon Sports Munyakazi Sadate,wakuweho uyu munsi, yanditse ubutumwa burebure kuri Twitter ye ashimira abo babanye ndetse anasaba abakunzi b’iyi kipe guharanira ubumwe no kuzashyigikira ubuyobozi bushya burashyirwaho.


Kuri uyu wa Kabiri tariki ya 22 Nzeri 2020, nibwo Urwego rw’Igihugu rushinzwe Imiyoborere (RGB) rwahagaritse komite nyobozi ya Rayon Sports yari iyobowe na Munyakazi Sadate, runasaba abayobozi bariho guhererekanya ububasha n’abashya bashyizweho, bigakorwa bitarenze tariki 24 Nzeri 2020.

Nyuma y’uyu mwanzuro,Munyakazi Sadate yagiye kuri Twitter yandika ubutumwa bufite umutwe ygira uti “RAYON SPORTS KU MUTIMA”.

Munyakazi yakomeje ati “Mfashe uyu mwanya nshimira abo twabanye mu rugendo rwo kubaka Rayon Sports y’umwuga kandi ikorera mu mucyo,ntago byoroshye ariko byari bikwiye.

Icyo nsabye umukunzi wa Rayon Sports n’uguharanira ubumwe bwacu kandi tukazashyigikira ubuyobozi bushya kugira ngo bwuse ikivi cyatangiwe.

Mose yambukije abisiraheli inyanja itukura ariko ntiyageze mu gihugu k’isezerano ariko yakirebesheje amaso ye.Ibyiza biri imbere.TJR Rayon Sports.”

Muri Rayon Sports hari hamaze igihe ibibazo bitandukanye bikuriwe n’icy’ubukene bukabije, byatumye komite ya Sadate isabwa kwegura ariko na yo ntiyabikozwa, ari na byo byatumye ihitabazwa inzego za Leta zirimo na RGB.

Mu kiganiro n’abanyamakuru cyabaye kuri uyu wa Kabiri kitabiriwe na Minisitiri wa Sports Munyangaju Aurore Mimosa n’Umuyobozi Mukuru wa RGB, Usta Kayitesi, hemejwe ko komite yari iyobowe na Munyakazi Sadate ikuweho, ndetse ko nyuma y’iminsi ibiri hajyaho komite nshya, itarimo umuyobozi n’umwe wari mu ya mbere cyanga abigeze kuba abayobozi b’iyo kipe.

Amakuru avuga ko Murangwa Eugene wabaye umunyezamu wa Rayon Sports ariwe watorewe gusimbura Sadate akazakorana n’Inama y’Ubuyobozi izatorwa n’abanyamuryango ba Rayon Sports.

Usta Kayitesi yatangaje ko RGB yakoze igenzura ryimbitse muri Rayon Sports ryibanze ku miyoborere, imikorere n’imicungire y’umutungo, ishingiye ku bubasha ihabwa n’Itegeko rigenga Imiryango Nyarwanda itari iya Leta.

Muri iryo genzura basanze Umuryango wa Rayon Sports wararanzwe n’imikorere itubahiriza Itegeko rigenga imiryango nyarwanda itari iya Leta, kudahuza n’amategeko ndetse, urujijo ku banyamuryango, imicungire mibi n’inyerezwa ry’umutungo.

Umuryango wa Rayon Sports unavugwaho kuba utarigeze wubahiriza inshingano imiryango itari iya Leta ihabwa n’itegeko arizo: gutanga raporo z’umwaka, kumenyesha RGB ihinduka rijyanye n’amategeko, no guhuza n’amategeko.

Avuga ko mu mwaka wa 2019 ubwo Sadate yatorerwaga kuyobora Rayon Sports, yari ifite umwenda w’amafaranga y’u Rwanda angana na mirliyoni 600, naho kuri kontie hariho amafaranga y’u Rwanda angana n’ibihumbi 10.

Imyanzuro yafashwe na RGB igomba guhita yubahirizwa

1. RGB yihanangirije Umuryango Rayon Sport Association kuko wateshutse ku nshingano.

2. Komite Nyobozi y’Umuryango iriho irahagaritswe kuko itabashije gusoza inshingano yahawe mu gukemura ibibazo by’umuryango.

3. Mu rwego rwo kubungabunga ibikorwa by’umuryango, ibikorwa bya Rayon Sport biraragizwa mu buryo bw’agateganyo Komite y’inzibacyuho.

4. Ihererekanya bubasha hagati ya Komite yari isanzwe iriho na Komite y’Inzibacyuho rizakorwa bitarenze tariki ya 24/09/2020. Abazayobora iyi nzibacyuho bazamenyekana mbere y’iherekanya bubasha.

5. Mu gihe Rayon Sport izaba itabashije gekemura ibibazo dushingiyeho tubihanangiriza mu gihe cy’ukwezi (iminsi 30), hazakurikizwa ibiteganywa n’ingingo ya 32 y’itegeko rigenga imiryango nyarwanda itari iya Leta biteganya ihagarikwa ry’agateganyo ry’umuryango.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Lionel Messi yageneye ubutumwa Cristiano Ronaldo urwaye Covid-19 mbere yo...

Kizigenza Lionel Messi ukinira ikipe ya FC Barcelona yavuze ko atifuza...
26 October 2020 Yasuwe: 1537 0

Pogba yise ibihuha amakuru yavugaga ko yasezeye mu ikipe y’igihugu...

Abicishije ku rubuga rwe rwa Twitter Pogba yamaganye inkuru zivuga ko...
26 October 2020 Yasuwe: 514 0

Cristiano Ronaldo ari mu mazi abira kubera ibyo aherutse gukorera mu...

Rutahizamu ukomeye wa Juventus, Cristiano Ronaldo,ari gukorwaho iperereza...
26 October 2020 Yasuwe: 2408 0

Amavubi yasezereye abakinnyi 5 barimo Bayisenge Emery mbere yo kugaruka mu...

Kuri uyu wa Mbere tariki 26 Ukwakira 2020, nibwo ikipe y’igihugu Amavubi...
26 October 2020 Yasuwe: 2003 0

Biravugwa ko Paul Pogba yasezeye mu ikipe y’igihugu y’Ubufaransa kubera...

Umukinnyi Paul Pogba ukina hagati mu ikipe ya Manchester United no mu ikipe...
26 October 2020 Yasuwe: 2774 0

Abantu 06 banduye Covid-19 mu Rwanda mu gihe abandi 24 bayikize

Minisiteri y’Ubuzima yatangaje ko kuri iki cyumweru tariki ya 25 Ukwakira...
25 October 2020 Yasuwe: 1049 0