Kigali

Muhadjiri yangiwe kwinjira ku mukino wa AS Kigali na KMC FC afashwa n’umukinnyi wa Rayon Sports

Imyidagaduro   Yanditswe na: Martin Munezero 11 August 2019 Yasuwe: 4536

Rutahizamu w’ikipe ya Emirates Football Club yo muri Leta zunze Ubumwe z’Abarabu, Hakizimana Muhadjiri wagarutse mu Rwanda nyuma y’ukwezi kumwe asinyiye iyi kipe ubwo yari avuye muri APR FC, yabanje kwangirwa n’abashinzwe umutekano ku kibuga ubwo yageraga i Nyamirambo.



Hakizimana yagarutse i Kigali mu gitondo cyo kuri uyu wa Gatandatu, aho yanakurikiranye umukino AS Kigali yanganyijemo ubusa ku busa na KMC FC yo muri Tanzania mu ijonjora rya mbere rya CAF Confederation Cup.

Ubwo uyu mukinnyi yari ageze kuri Stade ya Kigali, yabanje kwangirwa n’ushinzwe umutekano ku kibuga wanze ko atambuka ngo ajye mu myanya isanzwe yicarwamo n’abakinnyi, ahatwikiriye.

Mugenzi we ukinira Rayon Sports, Habimana Hussein babanyeho mu nzu, yaje kumureba, biba ngombwa ko basobanurira uyu wari urinze aho abaje kureba umukino banyura, aramureka aratambuka, ajya kwicarana n’abakinnyi ba Rayon Sports bari baje kuri uyu mukino.

Hakizimana Muhadjiri yigeze gusinyira AS Kigali mu mpeshyi ya 2016, imutanga muri APR FC atayikiniye umukino n’umwe.

Ubwo yaganiraga na Radio 1, Hakizimana Muhadjiri yanyomoje amakuru yavugwaga ko yaba yarashwanye n’ikipe ye nshya aherutse gusinyira, yemeza ko yaje mu karuhuko.

Ati” Nta kibazo gihari, naje mu karuhuko. Abantu bavuga amagambo bashaka, ni cyo kibazo kiba gihari cy’abantu bo ku Isi ariko njye ntacyo biba bimbwiye.”

“Rimwe na rimwe ni byiza ko umuntu abaseka. Hariya turi mu gihe cy’ Ilayidi, batanga akaruhuko k’iminsi itanu cyangwa itandatu. Naje mu kiruhuko, abavuga bavuge.”

Hakizimana Muhadjiri wagowe n’ubushyuhe bwo mu Barabu, yavuze ko ameze neza mu ikipe ye, aho kuri ubu bitegura kujya gukorera imyitozo muri Bulgarie tariki ya 20 z’uku kwezi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Arsene Wenger yatangaje ikintu gikomeye akundira Frank Lampard utararamba...

Umutoza Arsene Wenger wamamaye kubera ibigwi yagize mu ikipe ya Arsenal mu...
24 February 2020 Yasuwe: 1353 0

Ubutaliyani bwashyize amananiza ku bakinnyi ba FC Barcelona

Kuri uyu wa Mbere nibwo ikipe ya FC Barcelona irerekeza mu mujyi wa Napoli...
24 February 2020 Yasuwe: 2029 0

Akayabo Cristiano Ronaldo aha umukunzi we buri kwezi ngo yinezeze...

Rutahizamu wa Juventus, Cristiano Ronaldo,yongeye kuvugwa cyane mu...
24 February 2020 Yasuwe: 3361 0

Rayon Sports yavugutiye umuti ikibazo cya SKOL mu nama ya komite...

Kuri iki Cyumweru tariki 23 Gashyantare 2020,ubuyoboi bw’ikipe ya Rayon...
23 February 2020 Yasuwe: 7476 1

Fedorov yegukanye agace ka mbere ka Tour du Rwanda 2020 ahita afata umwenda...

Umunya Kazakhstan w’imyaka 20, Yevgeniy Fedorov ukinira ikipe ya Vino...
23 February 2020 Yasuwe: 2310 0

Frank Lampard yakoreye amateka kuri Jose Mourinho bituma amukorera igikorwa...

Umutoza ukiri umunyeshuri muri uyu mwuga Frank Lampard yatangiye gushinga...
23 February 2020 Yasuwe: 5291 0