skol
fortebet

Mukura VS yahaye isomo rya ruhago Gicumbi FC iyobora shampiyona by’agateganyo,Kiyovu ikura inota I Musanze

Yanditswe: Sunday 20, Oct 2019

Sponsored Ad


Ikipe ya Mukura VS iherutse kwirukana burundu umutoza Olivier Ovambe,yihereranye Gicumbi FC iyitsinda ibitego 3-1 mu mukino w’umunsi wa wa 04 wa shampiyona mu gihe Kiyovu Sports yihagazeho inganya na Musanze igitego 1-1.

Sponsored Ad

Gicumbi FC yari yakiriye Mukura VS ku Mumena,ihanyagiriwe na Mukura VS ibitego 3-1 bituma ikomeza kujya aharindimuka kuko irtarabasha kubona inota na rimwe muri shampiyona.

Ibitego bya Mukura VS byatsinzwe na rutahizamu Muniru na Ntwari Evode mu gihe igitego kimwe rukumbi cya Gicumbi FC cyatsinzwe na Dusange Bertin kuri penaliti yabonetse nyuma y’aho myugariro Rugirayabo yategeraga mu rubuga rw’amahina Mfitumukiza.

Mukura VS yarangije umukino ari abakinnyi 10 kuko Rugirayabo Hassan yahawe amakarita abiri y’umuhondo yabyey ikarita y’umutuku.Umutoza mushya wa Mukura VS Tony Hernandez amaze gutsinda imikino 3 yikurikiranya ku bitego 7 byose.

Ku rundi ruhande Kiyovu Sports yakuye inota rimwe I Musanze kuko yanganyije igitego 1-1 na Musanze FC.Musanze yaherukaga gutsindwa 4-0 na Mukura VS yananiwe kwiyunga n’abakunzi bayo kuko igitego yatsindiwe na Mugenzi Bienvenue kuri penaliti cyishyuwe na Ghislain Armel kuri penaliti mu gice cya kabiri.

Sunrise FC yanyagiriye kuri stade Gologota ikipe ya Espoir FC ibitego 4-1 mu gihe Heroes yabonye amanota 3 ya mbere ubwo yatsindaga AS Muhanga 2-1.

Mukura VS ya Hernandez ikomeye mu busatirizi,niyo iyoboye shampiyona by’agateganyo n’amanota 8 aho ikurikiwe na APR FC,Rayon Sports na Police FC zifite amanota 7.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa