Kigali

TdRWANDA 2020: Mulu Kinfe Hailemicheal yegukanye agace ka kabiri abuza Abanyarwanda gukorera amateka I Huye

Imyidagaduro   Yanditswe na: Dusingizimana Remy 24 February 2020 Yasuwe: 3482

Kuri uyu wa Mbere taliki ya 24 Gashyantare 2020, hakinwe agace ka kabiri ka Tour du Rwanda 2020 kareshyaga na kilometero 120.5 kavaga I Kigali kerekeza Huye kegukanwe n’umunya Ethiopia witwa Lulu Kinfe Hailemicheal w’imyaka 21 ukinira ikipe ya Nippo-Delko yo mu Bufaransa.



Nubwo aka gace kari gasanzwe gahira abanyarwanda, kuri uyu wa mbere siko byagenze kuko umunya Ethiopia, Lulu Kinfe Hailemicheal wa Nippo-Delko yagatwaye akoresheje 3:03: 21.

Aka gace kakunze guhira abanyarwanda mu myaka ishize,ubwo abarimo Mugisha Samuel yagatwaye muri 2018,Areruya Joseph agatwara 2017 na 2016 mu gihe muri 2015 katwaye Bintunimana Emile

Aka gace gasoreza I Huye kagira umwihariko wo kuba ugatwaye akunze kwegukana irushanwa,kuko umwaka ushize uwitwa Merhawi Kudus ariwe wagatwaye ndetse yegukana isiganwa rya mbere rya Tour du Rwanda ryo ku cyiciro 2.1.Abanyarwanda barimo Mugisha na Areruya bagatwaye nabo batwaye irushanwa.



Aka gace katangiye abakinnyi benshi bagerageza kuva mu gikundi ariko amahirwe yo kukivamo ahira abakinnyi 5 barimo Nsengimana Jean Bosco (Team Rwanda), Yemane Dawid wa Eritrea, Munizabayo Eric wa Benediction, Mugisha Moise wa SACA na Abreha wa Ethiopia.

Aba bakinnyi bagerageje kongera igihe basigaga igikundi cyarimo uwambaye umwenda w’umuhondo Fedorov,kigera ku minota irenga 3.

Iri rushanwa ryagiye rihindura isura ubwo abakinnyi bari bamaze kurenga I Nyanza bituma mu birometero 10 bya nyuma uwitwa Abreha Negasi wo muri Ethopia acomoka muri bagenzi be ashaka kugera I Huye ari uwa mbere.



Mu birometero 5 bya nyuma, igikundi cyafashe abakinnyi bose bari imbere bituma kugera I Huye biba intambara ikomeye.

Abakinnyi 44 bose bagereye I Huye icyarimwe gusa uyu Lulu Kinfe Hailemicheal abatanga kugera ku murongo aarakegukana.Umunyarwanda waje hafi ni Munyaneza Didier wabaye uwa kane.Fedorov yagumanye umwenda w’umuhondo.

Hailemichael Kinfe yabaye Umunya Ethiopia wa 2 utwaye étape muri Tour du Rwanda ya 2.1, nyuma ya Bereket Desalegn Temalew watwaye Rubavu - Musanze ubushize.Kuva 2009,abakinnyi 56 nibo bamaze gutwara uduce.




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Cesc Fabregas yatangaje ikintu kibi yakoreye umutoza Wenger yicuza...

Umukinnyi Cesc Fabregas ukinira ikipe ya AS Monaco ariko wanyuze mu makipe...
28 March 2020 Yasuwe: 2352 0

Umukinnyi Niyigaba Ibrahim wakiniye Police FC yitabye Imana azize...

Umukinnyi Niyigaba Ibrahim bitaga Lukaku wakinaga asatira mu makipe nka...
28 March 2020 Yasuwe: 2508 0

Samuel Eto’o yatangaje amagambo yabwiwe na Mourinho bakimara gutwara...

Uwahoze ari umukinnyi ukomeye mu makipe nka FC Barceloana,Inter Milan na...
27 March 2020 Yasuwe: 3619 0

Umugabo n’umugore bakoze ubukwe bw’iminota 30 bwarangiye ntawe ukoze ku wundi...

Umugeni witwa Irra Chorina Octora w’imyaka 29 n’umugabo we witwaYavuz Ozdemir...
26 March 2020 Yasuwe: 5265 0

EAC yiyemeje gushyiraho uburyo bworohereza ubucuruzi bwambukiranya...

Abaminisitiri b’ubuzima mu bihugu bigize Umuryango wa Afurika y’Iburasirazuba...
26 March 2020 Yasuwe: 1373 0

LeBron James wubatse izina muri NBA yavuze abakinnyi 3 akunda mu mupira...

Umunyamerika w’icyamamare mu mukino wa Basketball ndetse ufite imigabane mu...
26 March 2020 Yasuwe: 3723 0