Kigali
startimes

Mushiki wa Cristiano Ronaldo yerekanye inzu bavukiyemo avuga ukuntu yigeze kurumwa mu isura n’imbeba z’iwabo [AMAFOTO]

Imyidagaduro   Yanditswe na: Dusingizimana Remy 25 June 2020 Yasuwe: 3944

Mushiki wa Cristiano Ronaldo witwa Katia Aveiro yavuze ko we n’umuryango we bakuriye mu buzima bubi cyane aho yagaragaje inzu babagamo anemeza ko akiri muto yarumwe n’imbeba.



Katia Aveiro yavuze ko akiri muto yatinyaga cyane imbeba kubera ukuntu imwe yigeze kumuruma akiri uruhinja.

Uyu mugore yavuze ko mama we Dolores yamugezeho iyi mbeba itaramwangiza isura aramutabara.

Katia Aveiro usanzwe ari umuhanzi.atuye mu gihugu cya Brazil gusa muri Werurwe yagarutse ku ivuko I Madeira mu muhuro w’umuryango ubwo umubyeyi wabo Dolores Aveiro yari arwaye indwara y’iminsi yo mu bwonko.

Inzu uyu Katia Aveiro n’abavandimwe be barimo Cristiano na Hugo ndetse na mushiki wabo mukuru Elma babagamo yari iherereye inyuma y’umujyi wa Funchal gusa yaresenywe.

Cristiano Ronaldo uherutse kuzuza miliyari y’amadolari afite imitungo myinshi irimo inzu yo gucumbikira abantu iri mu mujyi wa Madeira ndetse n’izindi nyinshi I Lisbon.

Katia w’imyaka 43 yashyize hanze ifoto y’inzu bakuriyemo arangije agira ati “Navukiye mu nzu ishaje ndetse uburiri bwanjye bwari bukozwe n’amatafari.Narumwe mu maso n’imbere ubwo nari nkiri umwana kandi nta soni mfite zo kubivuga.Imana ishimwe ko mama yahageze ku gihe iyo atahaba mba ndi mubi mu maso kurusha uko meze ubu.

Nakuriye mu gace gakennye kandi nakuze nzi neza kwishimira bike mfite.”

Uyu mugore yavuze ko zimwe mu ndangagaciro yigishijwe na nyina ari ukubana neza n’abandi.

Ati "nkiri muto mama yatwigishije gusangira bike dufite,ko ubushake bwo gufasha abandi budaturuka kuri byinshi umuntu atunze.Twafasha umuntu mu bintu byose dufite.”

Uyu muco Katia avuze niwo umukinnyi Bernardo Silva yavuze ko na Cristiano Ronaldo ahorana kuko ngo mu minsi ishize yasabye abakinnyi bakinana kuba bakwigomwa ku gahimbazamusyi ka Euro batwaye muri 2016 bagafasha amakipe yahungabanyijwe na Coronavirus.




Iyi niyo nzu Cristiano Ronaldo n’umuryango we bakuriyemo

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Cristiano Ronaldo ashobora guhura na Real Madrid muri 1/4 cya UEFA...

Uyu munsi habaye tombola ya 1/4 cya UEFA Champions League yarangiye amakipe...
10 July 2020 Yasuwe: 1472 0

Munyakazi Sadate yasubije KNC wareze Rayon Sports muri FERWAFA kubera...

Umuyobozi w’ikipe ya Rayon Sports,Munyakazi Sadate,yibukije Gasogi United ko...
10 July 2020 Yasuwe: 2630 0

Rayon Sports yasabye APR FC kongera kuyitiza Sugira Ernest

Ikipe ya Rayon Sports yashimye umusaruro Sugira Ernest yayihaye ariyo...
10 July 2020 Yasuwe: 1088 0

Thierry Henry yapfukamye iminota 8:46 mbere y’umukino yibuka George Floyd...

Thierry Henry, umutoza w’ikipe ya Montreal Impact akaba n’icyamamare mu...
10 July 2020 Yasuwe: 1952 0

KNC yareze Rayon Sports muri FERWAFA ko ishaka kumutwarira umukinnyi...

Umuyobozi w’ikipe ya Gasogi United,Kakoza Nkuliza Charles (KNC),yandikiye...
9 July 2020 Yasuwe: 3973 0

Robin Van Persie yavuze abakinnyi 3 abona bakwiriye kuvamo uhabwa Ballon...

Uwahoze ari rutahizamu ukomeye muri Arsenal na Manchester United,Robin Van...
9 July 2020 Yasuwe: 2192 0