Kigali

Mutsinzi Ange yavuze impamvu ikomeye ituma atongera amasezerano y’ikipe ya Rayon Sports

Imyidagaduro   Yanditswe na: Dusingizimana Remy 21 June 2019 Yasuwe: 5093

Myugariro Mutsinzi Ange yabwiye abafana ba Rayon Sports ko yamaze kumvikana na Rayon Sports ariko ategereje kwegukana igikombe cy’Amahoro kugira ngo abone gusinya amasezerano mashya.



Mutsinzi Ange uri mu bakinnyi bakomeye mu Rwanda mu bwugarizi,yabwiye abanyamakuru ku munsi w’ejo nyuma yo kunyagira Gicumbi FC ibitego 7-1 ko yamaze kumvikana na Rayon Sports ariko ategereje ko igikombe cy’Amahoro kirangira ngo ashyire umukono ku masezerano mu ikipe ya Rayon Sports.

Yagize ati “Ibyavuzwe siko byagenze.Ibyinshi twarabyumbikanye igisigaye ntegereje ko igikombe cy’Amahoro kirangira nkabona gusinya.Ndashaka gutwara igikombe cy’Amahoro,ndumva icya mbere ari uko nkora akazi kandi ndacyari mu ikipe.Nta yandi makipe ndavugana nayo uretse Rayon Sports.

Mutsinzi ukundwa n’abafana ba Rayon Sports cyane,aherutse guhura n’ubuyobozi bwayo ngo asinye amasezerano mashya ababwira ko atasinya nyirarume atabigizemo uruhare ndetse ko azategereza ko ariwe umuha uburenganzira bwo kugira icyo akora.

Mutsinzi Ange yasabye ubuyobozi bwa Rayon Sports ko bumuha miliyoni 12 ndetse n’umushahara w’ibihumbi 700 FRW burabyemera,igisigaye ni uko ashyira umukono ku masezerano.

Nyuma y’umukino wa Gicumbi FC,bamwe mu bafana ba Rayon Sports bari basigaye mu gice cyo hepfo kidatwikiriye cya Stade ya Kigali, bahamagaye Mutsinzi maze bamuririmbira indirimbo bagira bati ‘’Wigenda turacyagukeneye’’ bakomeza bamubwira ko ntacyo azababurana ariko ntabatere agahinda ngo abasige.

Uyu musore akaba yababwiye ko agihari ndetse azanagumana na Rayon Sports aho yagize ati: ‘’ Ntimugire impungenge, ndacyahari. Ndi umukinnyi wa Rayon Sports, nimuhumure.’’

Byitezwe ko Mutsinzi Ange namara gusinya amasezerano mashya azagirwa kapiteni mushya wa Rayon Sports nyuma ya Manzi Thierry uherutse gusezererwa.


Mutsinzi ngo azongera amasezerano nyuma y’igikombe cy’Amahoro

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rayon Sports iri mu biganiro bya nyuma n’umutoza uturutse mu gihugu cya...

Ikipe ya Rayon Sports iri mu biganiro bya nyuma n’umutoza Casa Mbungo Andre...
26 February 2020 Yasuwe: 531 0

Rayon Sports yirukanye myugariro wayo imuziza imyitwarire mibi

Ikipe ya Rayon Sports yatangaje ko yamaz gutandukana na myugariro wayo...
26 February 2020 Yasuwe: 1294 0

Champions League: Bayern Munich yandagarije Chelsea FC ku kibuga cyayo ,FC...

Ikipe ya Chelsea FC yahuye n’iminota 45 mibi cyane mu mateka yayo, kuko mu...
26 February 2020 Yasuwe: 1466 0

Youri Djorkaeff wahesheje Ubufaransa igikombe cy’isi 1998 agiye gusura u...

Uwahoze ari umukinnyi ukomeye mu ikipe y’Ubufaransa, Youri Djorkaeff,...
25 February 2020 Yasuwe: 1431 0

#TdRwanda:Restrepo yegukanye agace ka 3 kanyuze muri Nyungwe,Biniam ahita...

Umunya Colombia witwa Restrepo Jhonatan ukinira ikipe ya Androni...
25 February 2020 Yasuwe: 1902 0

Umugore wa Kobe Bryant yareze kompanyi y’indege yahitanye abarimo umugabo we...

Umupfakazi wa Kobe Bryant witwa Vanessa Bryant yatanze ikirego mu rukiko...
25 February 2020 Yasuwe: 1284 0