Kigali
dnd

Myugariro ukomeye wa Rayon Sports ’Rugwiro Herve’ yarekuwe

Imyidagaduro   Yanditswe na: Martin Munezero 3 January 2020 Yasuwe: 3395

Myugariro wa Rayon Sports wari ufungiwe Rubavu, Rugwiro Herve akurikiranyweho icyaha cyo kwambuka umupaka nta burenganzira abiherewe n’ibiro by’abinjira n’abasohoka, yarekuwe.



Inkuru y’uko uyu musore yafunzwe yamenyekanye ku mugoroba wo ku itariki 17 Ukuboza 2019, ubugenzacyaha bw’abinjira n’abasohoka bukaba bwaratangaje ko akurikiranyweho kwambuka umupaka ajya muri DR Congo nta burenganzira abiherewe n’ibiro by’abinjira n’abasohoka(migration).

Tariki ya 31 Ukuboza 2019 ni bwo yagejejwe imbere y’urukiko rw’ibanze rwa Rubavu aburana ku ifungwa n’ifungurwa by’agateganyo, akaba yari yasabiwe gufungwa iminsi 30 y’agateganyo mu gihe hagishakishwa ibindi bimenyetso.

Umushinjacyaha yaregaga Rugwiro Herve kwambuka umupaka mu buryo bunyuranyije n’amategeko ndetse no gukoresha impapuro mpimbano.

Me Zitoni Pierre Claver wunganira Rugwiro Herve usanzwe ari n’umunyamategeko wa Rayon Sports yari yavuze ko nta cyaha yakoze, kuba yarafatanywe ikarita y’itora ya DR Congo yayibonye mu buryo bwemewe n’amategeko ndetse ko ayimaranye igihe kinini.

Yari yasabye urukiko ko rwamurekura byaba ngombwa bagatanga n’ingwate kuko hari umuryango mugari umukeneye.

Uyu munsi ni bwo hasomwe umwanzuro kuri uru rubanza, urukiko rukaba rwategetse ko Herve Rugwiro arekurwa akazajya yitaba urukiko igihe cyose rumukenereye.

Uyu musore yafatiwe ku mupaka muto ‘Petite Barriere’ i Rubavu tariki ya 17 Ukuboza avuye muri Repubulika Iharanira Demokarasi ya Congo, yambuka agana mu Rwanda.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble Kamayirese

    ngo myugariro ukomeye..................................

    2 weeks ago

Inzindi nkuru

Rayon Sports yasinyishije umunya Cameroon ukina asatira [AMAFOTO]

Ikipe ikomeje gahunda yo kwiyubaka aho yasinyishije amasezerano y’ imyaka 2,...
21 January 2020 Yasuwe: 2875 0

APR FC na Rayon Sports zigiye kongera zicakirane

Irushanwa ryo guhatanira igikombe cy’Ubutwari rizakinwa n’amakipe ane ya...
21 January 2020 Yasuwe: 3112 1

Jose Mourinho yari agiye kurwana n’umwe mu bakinnyi atoza mu ikipe ya...

Hashize igihe gito umutoza Jose Mourinho agizwe umutoza wa Tottenham ariko...
21 January 2020 Yasuwe: 3497 0

Ikipe ya Kiyovu Sports yafatiwe ibihano bikarishye kubera umutoza Casa...

Ishyirahamwe ry’umupira w’amaguru mu Rwanda ryamaze gufatira ibihano ikipe ya...
21 January 2020 Yasuwe: 1377 0

Rayon Sports yemeje ko nta muntu uzongera kuyiyobora adafite miliyoni 25...

Ikipe ya Rayon Sports yafatiye imyanzuro myinshi mu nama y’inteko rusange...
20 January 2020 Yasuwe: 4983 1

Arsene Wenger yavuze ukuntu kuva ku kibuga cy’amateka cya Highbury byagize...

Umutoza Arsene Wenger wamaze imyaka 22 atoza ikipe ya Arsenal yavuze ko...
20 January 2020 Yasuwe: 2226 0