Myugariro w’ikipe ya Ajax n’Ubuholandi,Daley Blind,yasuzumwe asanganwa indwara ikomeye y’umutima byatumye asabwa guhagarika umupira kugira ngo ubu burwayi butazamuhitana nkuko byagiye bigendekera bamwe mu bakinnyi.

Sponsored Ad

Ku mukino wa UEFA Champions League ikipe ya Ajax yahuye na Valencia,myugariro Daley Blind yikubise hasi kubera isereri yitura hasi,ajyanwa kwa muganga.

Abaganga bakoreye Blind isuzuma, basanga afite uburwayi bukomeye bw’umutima aho bahise bamusaba kuba ahagaritse gukina mu gihe kitazwi.

Ajax yasohoye itangazo rivuga ko myugariro wayo Daley Blind agiye kuba ahagaritse gukina mu gihe kitazwi ndetse amakuru avuga ko atazongera gukina muri uyu mwaka w’imikino.

Ibizamini byagaragaje ko uyu myugariro w’imyaka 29 yagize ikibazo ku mitsi yo ku mutima we uburwayi buzwi nka Cardiomyopathy.

Ajax yavuze ko Blind yashyizwemo agakoresho kitwa ICD munsi y’uruhu rwe, kamufasha kuba yakira ubu burwayi bushobora gutuma ahagarika burundu umupira.

Daley Blind yakiniye Manchester United