addresiya
Kigali
startimes

Ndoli Jean Claude yatangaje uko yahemukiwe na Bakame bapfa ko yamutwaye umwanya muri APR FC

Imyidagaduro   Yanditswe na: Dusingizimana Remy 8 May 2020 Yasuwe: 4944

Umunyezamu wamamaye cyane mu Rwanda,Ndoli Jean Claude yatangaje ko mugenzi we Ndayishimiye Eric uzwi nka Bakame yagerageje kumuhemukira kenshi kugira ngo amuteshe umutwe bityo amutware umwanya mu ikipe ya APR FC.



Mu kiganiro uyu munyezamu wa Musanze FC yagiranye n’ikinyamakuru ISIMBI, yavuze ko mbere y’uko Bakame amusanga muri APR FC bari inshuti ariko nyuma y’aho umubano wabo wajemo rushorera bapfa kurwanira umwanya wo kubanza mu kibuga.

Yagize ati“Wenda iryo ni ibanga ry’akazi, gusa icyo navuga ni uko Bakame twakuranye mu ikipe y’igihugu y’abatarengeje imyaka 20, twari inshuti nta kibazo na kimwe twari dufitanye.”

Ndoli yabwiye ISIMBI ko atakwihandagaza ngo abeshye ko we na Bakame batagiranye ibibazo igihe bakinanaga muri APR FC cyane ko ari bwo umubano wa bo watangiye kwangirika ndetse ngo yatangiye kumuteranya n’umugore we birangira batandukanye.

Yagize ati“Nk’uko nabikubwiye hari byinshi ntakubwirira mu itangazamakuru, ariko ageze muri APR FC ni bwo umubano wacu watangiye kwangirika. Amashyari araza kuko nta n’umwe wumvaga ko yakicaza mugenzi we.

Ni byinshi byabaye, yaje ansangamo ni bwo amashyari yaje. Ni bwo natangiye kugira imvune, ntangira kurwara imigongo, ntabwo byari byoroshye.
Yatangiye kunteranya n’umufasha wanjye twatandukanye, amubwira iby’inyuma y’ikibuga kwa kundi twabaga twasohokanye tukishima, nagera mu rugo nkasanga byantanzeyo, ntabwo mubeshyera kuko hari n’ibimenyetso.

Si nkeka ko wenda hari urundi rwango ahubwo byari uburyo bwo kugira ngo antware umwanya, ibibazo byo byarabaye pe twarabigiranye, ariko nanjye nari indwanyi ntabwo nari gupfa kurekura.”

Ndoli yavuze ko ko kuva icyo gihe kugeza ubu, umubano we na Bakame wangiritse cyane kugeza n’uyu munsi ntabwo bariyunga.

Ndoli Jean Claude yinjiye muri APR FC muri 2006 ayikinira kugeza muri 2016 ahita yerekeza muri AS Kigali yamazemo umwaka umwe, muri 2017 yagiye muri Kiyovu Sports maze 2019 yerekeza muri Musanze FC akinira kugeza uyu munsi.

Muri 2009 nibwo Ndayishimiye Eric Bakame yageze muri APR FC asanzemo Ndoli Jean Claude bahatanira umwanya ariko uyu Ndoli niwe wagiriwe icyizere cyane.Nyuma y’aho yaje kuyivamo yerekeza muri Rayon Sports.

Aba banyezamu babiri ubwo bafatiraga ikipe ya APR FC, bari bo banyezamu ba mbere mu gihugu icyo gihe, byatumaga banahamagarwa mu ikipe y’igihugu kandi umwe ari umusimbura w’undi.

Source: ISIMBI

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 3197 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 1916 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1815 0

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 3258 4

RIB yatangiye iperereza ku bahoze bayobora Rayon Sports bashinjwa ruswa no...

Urwego rw’igihugu rw’Ubugenzacyaha,RIB,rwatangaje ko rwatumije bamwe mu...
29 May 2020 Yasuwe: 2438 1

Igihe ntakuka shampiyona y’Ubwongereza izasubukurirwa n’amakipe azabanza...

Kuwa Gatatu tariki ya 17 Kamena 2020 nibwo Premier League yari imaze igihe...
28 May 2020 Yasuwe: 2012 0