Kigali

Niyomugabo Claude yafashije APR FC kwisubiza umwanya wa mbere wa shampiyona

Imyidagaduro   Yanditswe na: Dusingizimana Remy 22 November 2019 Yasuwe: 2736

Myugariro Niyomugabo Claude yeretse umutoza wa APR FC,Adil Mohamed ko ari umukinnyi ukomeye ukwiriye gushakirwa umwanya uhoraho mu kibuga,kuko yitwaye neza cyane mu mukino batsinzemo Espoir FC ibitego 3-1, agafasha iyi kipe y’ingabo z’igihugu kwisubiza umwanya wa mbere wa shampiyona.



Niyomugabo wabuze umwanya wo gukina kubera ubuhanga bwa Imanishimwe Emmanuel uzwi nka Mangwende,yuririye ku mvune uyu mugabo yagize niko kwiyereka Adil n’abakunzi ba APR FC ubwo yitwaraga neza mu mukino iyi kipe ye yatsinzemo Espoir FC ibitego 3-1.

Kuri uyu wa Gatanu hakinwe umukino w’umunsi wa 09 wa shampiyona wahiriye APR FC na Sunrise FC zari zakiriye kuko zatsinze mu buryo budashidikanywaho.

APR FC yatangiye umukino ifite inyota yo kubona igitego hakiri kare,yafunguye amazamu ku munota wa 19 ubwo uyu myugariro ukina ku ruhande rw’ibumoso, Niyomugabo Claude,yahinduraga umupira mwiza imbere y’izamu bituma Mushimiyimana Janvier wa Espoir FC yitsinda igitego.Igice cya mbere cyarangiye ari 1-0.

Mu gice cya kabiri ikipe ya Espoir FC yatangiye iri hasi byatumye ku munota wa 46 umunyezamu Ndikuriyo Patient akuramo amashoti abiri akomeye arimo irya Nshuti Innocent na Niyonzima Olivier Sefu.

Ku munota wa49 Bukuru Christophe yabonye uburyo bwiza cyane imbere y’izamu,atera haanze umupira yari ahawe na Djabel.

Uku gupfusha ubusa amahirwe akomeye,kwatumye Espoir FC ikanguka iza kubona igitego ku munota wa 55 gitsinzwe na Kyambadde Fred ku mupira mwiza yahawe mu rubuga rw’amahina na Musasizi John.

Umutoza Adil abonye ko ikipe ye yishyuwe yahise akora impinduka 2 zirimo ubuhanga bwinshi akura mu kibuga Bukuru Christophe ku munota wa 60 amusimbuza Rwabuhihi Placide hanyuma Butera Andrew asimbura Byiringiro Lague.

Izi mpinduka zakoreye akazi gakomeye APR FC kuko ku munota wa 66 yahise ibona igitego cya kabiri cyatsinzwe na Niyomugabo Claude ku mupira mwiza yahawe na Manishimwe Djabel.

Nyuma y’umunota umwe gusa APR FC yahise izamukana umupira,Usengimana Danny ayitsindira igitego cya 3 cyatumye Espoir FC icika integer.Umukino warangiye ari 3-1.

Mu wundi mukino wabaye kuri uyu wa Gatanu,Sunrise yanyagiriye I Gologota Heroes FC ibitego 4-1 byatsinzwe na ba rutahizamu bayo bakomeye barimo Babuwa Samson watsinze 2, Wangi Pius na Mudeyi Suleiman wafunguye amazamu kuri penaliti.

Uko Urutonde rwa shampiyona ruhagaze by’agateganyo:

1. APR FC 21 Pts
2. Police FC 18 Pts
3. Mukura VS 17 Pts
4. Rayon Sports 15 Pts
5. Kiyovu Sports 15 Pts
6. Sunrise FC 14 Pts

Gahunda y’umunsi wa cyenda wa shampiyona:

Kuwa Gatandatu tariki 23 Ugushyingo 2019
Marines FC vs AS Muhanga (Umuganda Stadium, 15h00)
AS Kigali vs Kiyovu Sports (Stade de Kigali, 15h00)

Ku Cyumweru tariki 24 Ugushyingo 2019
Gicumbi FC vs Rayon Sports FC (Stade de Kigali, 15h00)
Bugesera FC vs Mukura VS (Stade Bugesera, 15h00)
Etincelles FC vs Police FC (Stade Umuganda, 15h00)

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rayon Sports yavuze igihe izatangariza umutoza mukuru wo gufatanya na...

Ikipe ya Rayon Sports imaze igihe kinini idafite umutoza mukuru yamaze...
22 February 2020 Yasuwe: 1108 0

Lionel Messi yatangaje amakipe amuteye ubwoba cyane muri UEFA Champions...

Kapiteni wa FC Barcelona,Lionel Messi wifuza guha iyi kipe igikombe cya...
21 February 2020 Yasuwe: 4486 0

Klopp yahaye igisubizo gitangaje umwana w’imyaka 10 wamwandikiye amusaba...

Umutoza wa Liverpool,Jurgen Klopp yakiriye ibaruwa itangaje y’umwana muto...
21 February 2020 Yasuwe: 4618 0

Urutonde ngarukakwezi FIFA rwasohotse ikipe y’igihugu cy’u Rwanda ’Amavubi’...

Urutonde ngarukakwezi rushyirwa hanze n’Ishyirahamwe ry’Umupira w’Amaguru ku...
21 February 2020 Yasuwe: 1029 0

Umutoza Tony wa Mukura VS yahaye rugari abanyarwandakazi bifuza gukundana...

Umutoza wa Mukura VS,Tony Hernandez waraye yujuje imyaka 39 yagiranye...
20 February 2020 Yasuwe: 8122 0

Munyakazi Sadate yiyemeje kujyana mu nkiko umuyobozi wa SKOL wibasiye Rayon...

Umuyobozi wa Rayon Sports Munyakazi Sadate yatangaje ko agiye kujyana mu...
20 February 2020 Yasuwe: 8479 5