Umukinnyi Paul Pogba uri mu bahetse ikipe ya Manchester United yatangaje ko iyi kipe niramuka itabonye amahirwe yo kurangiza mu makipe 4 ya mbere muri Premier League ashobora kuzayivamo mu mpeshyi akisubirira muri Juventus.

Sponsored Ad

Amakuru aturuka mu Bwongereza aravuga ko uyu Mufaransa uhagaze neza mu ikipe ya Manchester United atekereza kuba yayivamo muri Kamena uyu mwaka akisubirira muri Juventus igihe izaba idashoboye kugera mu makipe 4 ya mbere muri Premier League akina UEFA Champions League.

Nubwo Manchester United iri ku mwanya wa 4 kugeza ubu,irasabwa gutsinda amakipe akomeye bahanganiye umwanya arimo Chelsea,Arsenal,Manchester City kugira ngo iwugumeho.

Ikinyamakuru Tuttosport cyo mu butaliyani kivuga ko Paul pogba atazemera gukina muri Europa League umwaka utaha,nyuma yo kuyitwara ari kumwe na Jose Mourinho.

Paul pogba amaze gukinira Manchester United imikino 25 muri uyu mwaka w’imikino yayitsindiye ibitego 11 atanga imipira ivamo ibitego 9.