Kigali
startimes

Perezida Kagame yatangaje igihe azongera kugaruka kuri stade kureba umupira w’amaguru

Imyidagaduro   Yanditswe na: Dusingizimana Remy 1 January 2020 Yasuwe: 10281

Nyakubahwa perezida Kagame amaze iminsi agaragara muri Kigali Arena yagiye gushyigikira umukino wa Basketball ariyo mpamvu abakunzi ba ruhago bamubajije igihe azongera kugaruka kureba uyu mukino ababwira ko ari vuba.



Mu kiganiro Perezida Kagame yagiranye na RBA kuri uyu wa Kabiri,abakunzi ba ruhago bamubajije igihe azagarukira kureba umupira w’amaguru abasubiza ko bidatinze arongera kugaruka nkuko yari amaze iminsi abikora kuri Basketball.

Yagize ati “Ni yo bigana [kugaruka kuri stade za ruhago]Nahereye ku mupira w’amaguru Basketball itari yaza. Ariko muri rusange nkunda siporo yaba umupira w’amaguru, Basketball Tennis, Cricket na yo turashaka kuyishyigikira ku rundi rwego,umukino w’amagare umaze gutera imbere cyane.Turifuza byose kuba twaha amahirwe ababifitemo ubushobozi n’ubushake no kubikunda kugira ngo iyo mikino yose izamuke igere ku rwego aho ishobora gupiganwa ku rwego rw’amahanga nkuko bimwe bimeze ubu ngubu.

Kubya Basketball,rwose nabonye umwanya kandi narishimye gushobora kujyayo nkabona aho bakina.Birumvikana ko nari nshyigikiye ikipe y’u Rwanda aho yakinaga n’andi makipe yakiniraga hano n’ishema kuri twebwe.Inkunga gusa nkeya yo kuba duhari ntacyo byadutwara ahubwo biradushimisha. Turi mu nzira yo kuba ibikorwa remezo bijyanye no gushyigikira imikino itandukanye harimo n’iyo Arena wabonye bakiniragamo Basketball na stade y’umupira w’amaguru na yo iri ruhande rwa Arena nayo muzi ko batangiye kuyivugurura kugira ngo ibe ku rwego rwo hejuru kandi ishobore kuba yakwakira abantu barenze abo yari isanzwe yakira n’ibindi.Kuri njye rero n’ibyishimo kuba twagira icyo dukora mu gushyigikira abari muri iyo mikino.By’umwihariko umupira w’amaguru turaza kubikurikiranira hafi turebe uko bashyiraho akabo bagakomeza gutera imbere.”

Perezida Kagame yaherukaga ku kibuga cy’umupira w’amaguru mu Rwanda, ku mukino wanyuma w’irushanwa ry’igikombe cya shampiyona ya Afurika y’abakinnyi bakina imbere mu gihugu, CHAN 2016 yegukanywe na Congo Kinshasa kuri stade Amahoro.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Robin Van Persie yavuze abakinnyi 3 abona bakwiriye kuvamo uhabwa Ballon...

Uwahoze ari rutahizamu ukomeye muri Arsenal na Manchester United,Robin Van...
9 July 2020 Yasuwe: 1915 0

Gasogi United yahaye Kwizera Olivier iminsi 2 yo kuba yayisinyiye cyangwa...

Ikipe ya Gasogi Unitedyandikiye umunyezamu Kwizera Olivier ibaruwa imusaba...
8 July 2020 Yasuwe: 2079 0

Uwari umutoza wungirije mu ikipe ya APR FC yatandukanye na yo

Nyuma yo kunanirwa kumvikana na APR FC ku bijyanye no kuba yakongererwa...
8 July 2020 Yasuwe: 1389 0

Munyakazi Sadate yijeje abafana ko agiye kubohoza imodoka y’ikipe yafatiriwe...

Umuyobozi wa Rayon Sports Munyakazi Sadate yavuze ko we na komite ayoboye...
8 July 2020 Yasuwe: 2352 0

Diego Simeone yatangaje impamvu Real Madrid bari kuyiha penaliti nyinshi...

Umutoza wa Atletico Madrid witwa Diego Simeone yavuze ko ikipe ya Real...
8 July 2020 Yasuwe: 2235 0

Rayon Sports yasinyishije bidasubirwaho umunyezamu Kwizera Olivier

Ikipe ya Rayon Sports yemeje noneho ko yasinyishije umunyezamu Kwizera...
7 July 2020 Yasuwe: 2368 0