Kigali
startimes

Perezida Munyakazi Sadate yahaye inama ikomeye abana bakomeje kuza muri Rayon Sports

Imyidagaduro   Yanditswe na: Dusingizimana Remy 14 December 2019 Yasuwe: 3231

Umuyobozi w’ikipe ya Rayon Sports,Munyakazi Sadate,akomeje gahunda yo kubaka iyi kipe agendeye ku bana aho yasabye abakiri bato bayirimo kumenya ko aribo cyizere cy’ejo hazaza bagakora cyane.



Munyakazi Sadate uherutse gusinyisha umunyezamu w’imyaka 16 witwa Hakizimana Adolphe na myugariro Iradukunda Axel w’imyaka 17 abakuye mu Isonga,yavuze ko aba bakinnyi ari ejo hazaza ha Rayon Sports ndetse abibutsa ko bakiri bato bazaba ibihangange.

Munyakazi abinyujije kuri Twitter yabwiye aba bana bari kuza muri Rayon Sports ati “Iyo ushaka kubaka ibirambye wita ku bana, iyo ndeba mbona mu myaka micye abana bacu bazaba ari ibitangaza, (Adolphe, Axel, Mike, Alitidjani, Willy, Olivier, Ganza, Shumbusho...).

Nimwe Rayon Sports y’ejo hazaza kdi muzabikora muracyari bato kdi bato beza.”

Umuyobozi wa Rayon Sports yemeje ko bifuza kubaka ikipe ikomeye kandi itwara ibikombe ariko bakanubaka ikipe irimo abakiri bato batanga icyizere cy’ahazaza.

Munyakazi Sadate yagize ati: “Ni Politiki yo kubaka ikipe ikomeye y’ahazaza aho gutegereza umunsi wa nyuma hari umukinnyi twabuze ngo tubone kwirukira ku isoko kumushaka. Ibyo bihe bigomba kujya bigera twarabonye igisubizo twishakiye mbere.

Rayon Sports yiyemeje kugarura politiki yaherukaga mu mpeshyi ya 2015 aho yazamuye abakinnyi umunani bakiri bato bayifashije gutwara ibikombe bibiri bya shampiyona nyuma yaho, igikombe kimwe cy’Amahoro, bibiri by’Agaciro, icya Super Cup no kugera muri ¼ cya CAF Confederation Cup 2017.

Abo bakinnyi bazamutse barimo Hategekimana Bohneur, Nzayisenga Jean d’Amour Mayor, Mugisha Francois Master, Niyonzima Olivier Sefu, Muhire Kevin, Nshuti Dominique Savio, Ndacyayisenga Alexis na Nsengiyumva Moustapha.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Reba urutonde rw’abakinnyi 25 beza ba FC Barcelona b’ibihe byose bayobowe na...

Abafana n’abaterankunga b’ikipe ya FC Barcelona batoye umukinnyi mwiza...
14 July 2020 Yasuwe: 1621 0

Russell Westbrook wabaye MVP muri 2017 bamusanzemo Covid-19

Russell Westbrook, icyamamare muri Basketball akaba umukinnyi wa Houston...
13 July 2020 Yasuwe: 311 0

APR FC igiye kurekura abakinnyi barimo Sugira Ernest

Ubuyobozi bwa APR FC bwahaye uburenganzira Sugira Ernest na Nkomezi Alex...
13 July 2020 Yasuwe: 2985 0

Murumuna wa Serge Aurier yarasiwe inyuma y’akabyiniro arapfa

Umuvandimwe w’umukinnyi wa Tottenham Serge Aurier yishwe arashwe mu mu mujyi...
13 July 2020 Yasuwe: 2158 0

Manchester City yatsinze UEFA yemererwa kugaruka muri UEFA Champions...

Ikipe ya Manchester City yatsinze urubanza rwo kujuririra ibihano yari...
13 July 2020 Yasuwe: 734 0

Rayon Sports yategetswe kwishyura imishahara myugariro Runanira...

Akanama Nkemurampaka k’Ishyirahamwe ry’Umupira w’Amaguru mu Rwanda (FERWAFA)...
11 July 2020 Yasuwe: 2374 0