Kigali
dnd

Police FC iraye ku mwanya wa mbere,mu gihe ikipe ya Kiyovu yababaje Gicumbi FC ku munota wa nyuma

Imyidagaduro   Yanditswe na: Martin Munezero 25 October 2019 Yasuwe: 2980

Ikipe ya Police FC iraranye umwanya wa mbere muri shampiyona y’ikiciro cya mbere hano mu Rwanda, nyuma yo gutsinda Heroes FC ibitego 2-0 mu mukino w’umunsi wa gatanu wa shampiyona.



Ni mu mukino waberaga kuri Stade ya Kigali i Nyamirambo.

Iyi kipe y’igipolisi cy’u Rwanda yegukanye amanota atatu y’uyu mukino, ibifashijwemo n’ibitego bya Kapiteni Nsabimana Aimable watsinze icya mbere ku mupira wari uturutse kuri koruneri ya Nshuti Dominique Savio, na Ndayishimiye Antoine Dominique watsinze icya kabiri ku mupira wari uturutse kuri Coup-Franc yari itewe na Aime Ntirushwa.

Ibi bitego byombi byari bihagije kugira ngo Police FC ifate umwanya wa mbere n’amanota 11, iwatse APR FC yari uwufite n’amanota 10. Iyi APR izakira AS Muhanga kuri Stade ya Kigali ku cyumweru.

Intangiriro z’umunsi wa gatanu wa shampiyona yasize ikipe ya Gicumbi FC ikomeje kugumana umwanya wa nyuma, nyuma yo gutsindwa na Kiyovu Sports mu minota ya nyuma y’umukino. Igitego cya Ndayisaba Hamidou ni cyo cyafashije Kiyovu Sports gukura amanota atatu kuri Gicumbi FC yari yakiriye kuri Stade Mumena.

Uyu munsi kandi usize ikipe ya Musanze FC itarabona amanota atatu kuva iyi shampiyona yatangira, kuko yatsinzwe na Espoir FC ibitego 2-1, mu mukino w’umunsi wa gatanu.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mohamed Salah yishongoye kuri Manchester United yabatesheje...

Umunya Misiri Mohamed Salah ukina mu ikipe ya Liverpool yavuze ko ikipe ya...
19 January 2020 Yasuwe: 1944 0

APR FC y’abakinnyi 10 yananiwe gutsinda Etincelles FC bifasha Rayon Sports...

Igitego cya Etincelles FC ku munota wa nyuma cyatumye abafana n’abakinnyi ba...
18 January 2020 Yasuwe: 3407 0

Sefu yahishuye abatoza 3 adashobora kwibagirwa kandi azahora ashimira mu...

Niyonzima Olivier Sefu ukinira APR FC,avuga ko kuva yatangira ruhago hari...
18 January 2020 Yasuwe: 3803 0

Ally Niyonzima yahishuye impamvu yahisemo gusinyira ikipe ya Rayon Sports...

Umukinnyi wohagati mu kibuga Ally Niyonzima wari usanzwe akina muri Oman,...
17 January 2020 Yasuwe: 3325 0

Xavi yavuze impamvu yanze gutoza ikipe ya FC Barcelona

Umunyabigwi Xavi Hernandez wakiniye igihe kinini FC Barcelona akayihesha...
17 January 2020 Yasuwe: 3257 0

Cristiano Ronaldo yafashwe nk’umuhanuzi kubera ibyo yabwiye mugenzi we...

Rutahizamu wa Juventus,Cristiano Ronaldo,aravugwaho kuba yarafashe umwanya...
17 January 2020 Yasuwe: 7039 0