addresiya
Kigali
startimes

Raheem Sterling yatangaje ikintu gikomeye yifuza mbere y’uko asoza umupira w’amaguru

Imyidagaduro   Yanditswe na: Dusingizimana Remy 27 April 2020 Yasuwe: 1869

Rutahizamu w’ikipe ya Manchester City,Raheem Sterling yavuze ko mbere y’uko asezera ku mupira w’amaguru yifuza nibura gutunga umupira wa Lionel Messi kizigenza wa FC Barcelona.



Uyu mukinnyi umaze igihe kinini yitwara neza mu Bwongereza yavuze ko yifuza kuzabona umupira wa Messi kuko ngo niwo yifuza kurusha izindi z’abandi bakinnyi.
Yavuze ko yabashije kubona umupira wa Neymar Jr ariko atarabona uwa kizigenza Messi akunda imikinire ye.

Raheem Sterling amaze gutwara ibikombe byinshi mu ikipe ya Manchester City ndetse yamaze kurenza ibitego 100 amaze gutsinda nk’umukinnyi wabigize umwuga.

Raheem Sterling yagize ati “Mfite imyenda myinshi nagiye naka abakinnyi cyangwa tukagurana gusa nta mwenda n’umwe ndamanika ku rukuta rw’iwanjye.Nkunda ko inzu y‘umuryango wanjye imera neza ariko igihe nzaba nahagaritse umupira w’amaguru mfite aho gutura hadahinduka, nzaba mfite imyenda myinshi yo guhitamo iyo nshaka.

Hari umupira umwe ndafite nifuza cyane wa Lionel Messi.Twahuye na Barcelona mbona uwa Neymar Jr.Niwo mupira nifuza cyane kugira ngo ninsubira Jamaica nzabe ngufite mu kabati.”

Mu minsi ishize,byavuzwe ko ikipe ya Real Madrid yifuza Raheem Sterling uri mu bakinnyi Manchester City yubakiyeho gusa byarangiye uyu mukinnyi ayigumyemo.

Byavugwaga ko Real Madrid yifuzaga gutanga akayabo ka miliyoni 70 z’amapawundi yarangiza ikongeraho umukinnyi Gareth Bale uri mu bayihenze cyane mu mateka yayo kugira ngo ibone umwongereza Raheem Sterling.

Sterling w’imyaka 25 ari mu bakinnyi bakundwa na Pep Guardiola kubera umusaruro amuha iyo ari guca ku ruhande afasha ba rutahizamu kubona imipira ndetse nawe atsinda ibitego byinshi.

Sterling afite amasezerano azamugeza muri 2023 ndetse niwe uhembwa amafaranga menshi kurusha abandi mu ikipe ya Manchester City.

Mu minsi ishize Raheem Sterling yatangaje ko yishimye mu ikipe ya Manchester City ariko ngo afite inzozi zo kuzakina hanze y’Ubwongereza umunsi umwe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2246 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4531 0

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 3357 0

Rutanga Eric ashobora kuva muri Police FC igitaraganya kubera indi kipe...

Myugariro Rutanga Eric ukina inyuma ku ruhande rw’ibumoso mu ikipe y’igihugu...
1 June 2020 Yasuwe: 7563 2

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 4943 0

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 5856 1