Ikipe ya Rayon Sports izatangira shampiyona icakirana na Gasogi FC y’umushoramari Kakooza Nkuriza Charles mu gihe APR FC izatangira ikina na AS Kigali kuri stade ya Kigali.FERWAFA yasohoye ingengabihe y’uko amakipe azahura mu gice kibanza cya shampiyona kuri uyu wa Mbere.

Sponsored Ad

Shampiyona izatangira kuwa 04 Ukwakira 2019 irangire kuwa 23 Gicurasi 2020 aho amakipe yose uko ari 16 azaba areba uko yakwambura igikombe Rayon Sports yagitwaye umwaka w’imikino ushize.

FERWAFA yatangaje ko umukino wa super cup uzahuza Rayon Sports yatwaye Shampiyona y’umwaka w’imikino ushize na AS Kigali yatwaye Igikombe cy’Amahoro 2019,uzaba kuwa 1 Ukwakira kuri Stade Amahoro.

APR FC niyo izabanza kwakira Rayon Sports muri shampiyona 2019/2020,aho kuwa 21 Ukuboza 2019 bazakinira kuri stade ya Kigali I Nyamirambo.

Ushinzwe gutegura amarushanwa muri FERWAFA,Bonnie Mugabe,yagize ati “Gahunda y’uko amakipe azahura mu gice cya mbere cya shampiyona,yamaze kwemezwa n’ubuyobozi bwa FERWAFA.Twiteze ko tuzagira ingengabihe yegeranye ndetse igoranye ariko tuzakora ibishoboka byose imikino ikinirwe igihe ndetse tuzarangirize shampiyona ku gihe.Imikino ibanza izakinwa hagati y’Ukwakira n’Ukuboza hanyuma imikino y’igice cya kabiri ikinwe guhera muri Mutarama kugeza muri Gicurasi 2020.

Umunsi wa mbere wa shampiyona:

Kuwa 04 Ukwakira 2019

AS Kigali vs APR FC (Stade de Kigali, 15h00)

Kuwa 5 Ukwakira 2019

Gasogi United vs Rayon Sports FC (Stade de Kigali, 15:00)
Bugesera FC vs Heroes FC (Stade Bugesera, 15:00)
Etincelles FC vs SC Kiyovu (Stade Umuganda, 15:00)
Mukura VS vs Espoir FC (Stade Huye, 15:00)

Kuwa 6 Ukwakira 2019

Marines Fc vs Gicumbi FC (Stade Umuganda, 15:00)
AS Muhanga vs Musanze FC (Stade Muhanga, 15:00)
Police FC vs Sunrise FC (Stade de Kigali, 15:00)