Kigali

Rayon Sports yasubijwe bisi yayo yari imaze amezi 2 ifatiriwe n’Akagera Motors

Imyidagaduro   Yanditswe na: Dusingizimana Remy 9 August 2019 Yasuwe: 5535

Kompanyi y’Akagera Motors yasubije Rayon Sports Bisi yayo yari imaze amezi abiri yarafatiriye kubera umwenda iyi kipe yari ibabereyemo itishyuriye igihe.



Nkuko perezida wa wa Rayon Sports, Munyakazi Sadate yari yabyemereye abafana ku munsi w’ejo,iyi Bisi yabatijwe Rubabaza yarekuwe kuri uyu wa Gatanu tariki 9 Kanama 2019 ku isaha ya saa kumi n’imwe n’igice ,yongera gusubira kuri gahunda yo gutwara abakinnyi.

Nyuma yo guhabwa iyi Bisi,Munyakazi yabwiye ikinyamakuru Rwanda Magazine dukesha iyi nkuru ati " Twumvikanye n’Akagera , hari ibyo badusaye kwishyura, turabyishyura , badusubiza imodoka. Badusabye ko twishyura imirimo ya Reparation bayikozeho. Nasezeranya abafana ko itazongera gufatirwa kandi bizajyana n’isezerano tugirana n’abafana ba Rayon Sports. Komite yacu ishyize imbere gukora ibyo ishoboye , kandi ibyo idashoboye ikabwira abakunzi ba Rayon Sports ko itabishoboye. Icyo dushyize imbere ni ukujya tuvugisha ukuri, icyo dushoboye tukagikorera igihe nkuko twabisezeranyije abanyamuryango."

Rayon Sports yahawe iyi modoka yayo ibanje kwishyura Miliyoni 50 Frw yari isigayemo zirimo 34 Frw zavuye mu mufatanyabikorwa wayo, Radiant Insurance.

Amezi yari abaye abiri Rayon Sports itagenda mu modoka yayo yaguze miliyoni 100 Frw mu kwezi k’ Ugushyingo umwaka ushize, kubera kutishyura neza ibyiciro by’amafaranga yari yasigaye ku kiguzi cy’iyi modoka.

Umuyobozi mushya wa Rayon Sports Munyakazi Sadate yemeje ko ikipe ya Rayon Sports yari imaze amezi ane itishyura umwenda ibereyemo Akagera Motors, yiyongera ku mafaranga asaga Miliyoni ebyiri z’ikiguzi cy’imodoka (breakdown cover) yagiye ikurura iyi bus igihe yabaga yapfiriye mu nzira.

Rayon Sports iri kwitegura umukino w’ishyiraniro izakina na Al Hilal yo muri Sudani mu ijonjora rya mbere rya Total CAF Confederation Cup, uteganyijwe ku cyumweru tariki 11 Kanama 2019 kuri Stade ya Kigali i Nyamirambo guhera saa cyenda.Kwinjira muri uyu mukino ni 3000 FRW, 5000 FRW, 15.000 FRW na 25.000 FRW.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rayon Sports yavuze igihe izatangariza umutoza mukuru wo gufatanya na...

Ikipe ya Rayon Sports imaze igihe kinini idafite umutoza mukuru yamaze...
22 February 2020 Yasuwe: 1282 0

Lionel Messi yatangaje amakipe amuteye ubwoba cyane muri UEFA Champions...

Kapiteni wa FC Barcelona,Lionel Messi wifuza guha iyi kipe igikombe cya...
21 February 2020 Yasuwe: 4588 0

Klopp yahaye igisubizo gitangaje umwana w’imyaka 10 wamwandikiye amusaba...

Umutoza wa Liverpool,Jurgen Klopp yakiriye ibaruwa itangaje y’umwana muto...
21 February 2020 Yasuwe: 4713 0

Urutonde ngarukakwezi FIFA rwasohotse ikipe y’igihugu cy’u Rwanda ’Amavubi’...

Urutonde ngarukakwezi rushyirwa hanze n’Ishyirahamwe ry’Umupira w’Amaguru ku...
21 February 2020 Yasuwe: 1040 0

Umutoza Tony wa Mukura VS yahaye rugari abanyarwandakazi bifuza gukundana...

Umutoza wa Mukura VS,Tony Hernandez waraye yujuje imyaka 39 yagiranye...
20 February 2020 Yasuwe: 8145 0

Munyakazi Sadate yiyemeje kujyana mu nkiko umuyobozi wa SKOL wibasiye Rayon...

Umuyobozi wa Rayon Sports Munyakazi Sadate yatangaje ko agiye kujyana mu...
20 February 2020 Yasuwe: 8506 5