Rayon Sports yatangaje abakinnyi 11 ibanza mu kibuga ihangana na Etincelles FC barimo Kakule Mugheni
Yanditswe: Tuesday 29, Oct 2019
Umutoza wa Rayon Sports Javier Martinez Espinoza yakoze impinduka zitandukanye mu bakinnyi 11 arakoresha ahangana n’ikipe ya Etincelles FC mu mukino w’umunsi wa 6 wa shampiyona.
Nk’uko bigaragara ku rutonde, abakinnyi barimo Radu na Mugheni bataherukaga mu kibuga bagiriwe icyizere cyo kubanzamo, kimwe na Kimenyi utarabashije gukina umukino uheruka wa Sunrise.
Nyuma yo gutsindwa na Sunrise FC mu mukino uheruka,Rayon Sports yasimbuje Mazimpaka wavunitse,myugariro Irambona Eric wakinaga umwanya utari uwe,Iranzi Jean Claude na Micheal Sarpong wahawe ikarita itukura.
Rayon Sports irakinisha abakinnyi 4 hagati mu rwego rwo kureba ko yabona amanota 3 yo kuri uyu wa Kabiri saa 18h00,kuri stade Regional i Nyamirambo.
Ikipe ya Etincelles iri ku mwanya wa 4 n’amanota 10 inganya na Rayon Sports, zose zimaze gukina imikino 5, zose zatsinze imikino 3, zinganya umukino 1 zitsindwa umwe. Buri imwe yatsinze ibitego 7, zitsindwa ibitego 4 zizigamye 3.
Abakinnyi babanza mu kibuga ku mukino wa Etincelles FC:
Umunyezamu: Kimenyi Yves
Ubwugarizi: Rugwiro Hervé, Iragire Saidi, Rutanga Eric na Iradukunda Eric Radu
Hagati: Olokwei Commodore, Nizeyimana Mirafa,Kakule Mugheni na Oumar Sidibé
Ubusatirizi: Yannick Bizimana na Mugisha Gilbert.
Leave a Reply
Your email address will not be published. Required fields are marked *