addresiya
Kigali
startimes

Rayon Sports yategewe amamiliyoni y’ama FRW kugira ngo itsinde APR FC

Imyidagaduro   Yanditswe na: Dusingizimana Remy 19 April 2019 Yasuwe: 5472

Abakinnyi b’ikipe ya Rayon Sports bahawe intego y’ amamiliyoni n’ abantu ku giti cyabo,ama Fan Clubs,n’ubuyobozi kugira ngo itsinde mukeba wabo w’ibihe byose APR FC bahanganiye igikombe cya shampiyona y’uyu mwaka.



Nkuko amakuru dukesha ikinyamakuru Rwanda Magazine kiba hafi cyane ya Rayon Sports n’ubuyobozi bwayo abitangaza, buri mukinnyi w’iyi kipe azahabwa akayabo k’ibihumbi 375.000 FRW mu gihe baba batsinze igitego kimwe APR FC cyane ko hari uwemeye kubaha arenzeho uko ibitego biziyongera.

Umuyobozi wungirije wa Rayon Sports,Muhirwa Freddy yabwiye Rwandamagazine.com dukesha iyi nkuru ati “Ubu tubaze intego abakinnyi bamaze gushyirirwaho zose, buri umwe azahabwa 375.000 FRW mu gihe baba batsinze igitego kimwe kuko hari uwemeye kubaha andi uko ibitego biziyongera. Uyu mukino niwo udusubiza mu guhatanira igikombe kandi ukaba waduha ibyishimo kuko tumaze iminsi dutsindwa nayo. Ntabwo ari ibintu byashimishije abafana. Ikindi cya 3, iyo dutsinze APR FC nicyo gipimo cyiza tuba twipimyeho nkatwe ikipe ya Rayon Sports."

Kuri uyu wa Kane tariki 19 Mata 2019 ubwo Rayon Sports yakoraga imyitozo ibanziriza iya nyuma, yasuwe n’abantu b’ingeri zinyuranye bari baje kubashyigikira ariko banaje kubabwira intego babashyiriyeho mu gihe baramuka batsinze APR FC.

The Blue Winners Fan Club imwe mu zigize Fan Clubs za Rayon Sports yemeye kuzatanga ibihumbi magana arindwi na mirongo itanu (750.000 FRW).

Ihuriro rya za Fan Club za Rayon Sports (Fan base) yo yemereye abakinnyi Miliyoni n’igice (1.500.000 FRW). Paul Ruhamyambuga, perezida w’icyubahiro wa Rayon Sports we yemeye Miliyoni (1.000.000 FRW) azatanga ku giti cye. Ubuyobozi bwa Rayon Sports bwemeye agera kuri miliyoni n’ibihumbi magana inani (1.800.000 FRW) ni ukuvuga ko buri mukinnyi yazahabwa n’ubuyobozi 100.000 FRW mu gihe baramuka batsize APR FC.

Undi washyizeho agahigo kihariye ni Twagirayezu Thadee ukuriye akanama ngengamyitwarire ka Rayon Sports ndetse akaba ari umunyamuryango wa The Blue Winners. We yavuze ko buri gitego ikipe izatsinda gitanga intsinzi (igitego cy’icyinyuranyo), buri mukinnyi azajya akibarirwa 50.000 FRW.

Thadee yagize ati " Nimutsinda 2-1, ubwo buri umwe azacyura 50.000 FRW ariko munaramutse mutsinze 4-0, buri umwe yacyura 200.000 FRW."

Ayo mafaranga yose abakinnyi ba Rayon Sports bashyiriweho yaje asanga Miliyoni na magana inani (1.800.000 FRW) yatanzwe na Munyakazi Sadate ukuriye MK Sky Vision. We yayemeye ku wa mbere w’iki cyumweru ndetse yanabimenyeshereje abakinnyi mu myitozo.

Rayon Sports irakira APR FC kuri uyu wa Gatandatu mu mukino wa Shampiyona uzabera kuri Stade Amahoro i Remera saa 15:30. Kwinjira ni 2000 FRW, 5000 FRW ,10.000 FRW, 15.000 FRW na 20.000 FRW.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 3661 0

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 5348 1

Umukunzi wa Cristiano Ronaldo yongeye guca ibintu kubera ifoto yashyize...

Umukunzi wa Cristiano Ronaldo witwa Georgina Rodriguez yongeye gutuma...
30 May 2020 Yasuwe: 7035 4

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 4107 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 2278 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1946 0