addresiya
Kigali
startimes

RDC: Hagiye gutangira iperereza kuri wa mukinnyi wamaze imyaka 4 bizwi ko yapfuye nyuma akongera kuboneka

Imyidagaduro   Yanditswe na: Dusingizimana Remy 7 May 2020 Yasuwe: 2447

Amakuru avuga ko Hiannick Kamba wahoze akinira ikipe ya Schalke 04 yo mu Budage yasanzwe ari muzima ari mu Budage, nyuma y’imyaka ine bitangajwe ko yapfuye.



Byatekerezwaga ko uyu mukinnyi, myugariro ukomoka muri Repubulika ya Demokarasi ya Kongo, yapfiriye mu mpanuka y’imodoka mu gihugu cye cy’amavuko mu kwezi kwa mbere mu 2016, nkuko bitangazwa n’ikinyamakuru Bild cyo mu Budage.

Ariko, Kamba yasanzwe ari mutaraga akora akazi nk’umutekinisiye mu bijyanye n’ubutabire (chemical technician) muri kompanyi y’ingufu z’amashanyarazi mu mujyi wa Gelsenkirchen.

Uwo mujyi ni na wo ikipe ya Schalke ikiniramo imikino yakiriye, ukaba uri hafi ya Dortmund mu burengerazuba bw’Ubudage.

Bivugwa ko Kamba yasubiye mu Budage mu myaka ibiri ishize.

Umunyamategeko we Anette Milk yagize ati:

"Yatereranywe n’inshuti ari nijoro ubwo yari yagiriye urugendo iwabo muri DR Congo mu kwezi kwa mbere mu 2016 ndetse asigara nta byangombwa, nta mafaranga, nta na telefone ngendanwa afite".

Uku kongera kugaragara kwe ubu kwatumye polisi y’Ubudage itangira gukora iperereza.

Riri kwibanda ku wahoze ari umugore wa Kamba - wahawe amafaranga y’ubwishingizi ku buzima nyuma yo gutanga icyangombwa cyemeza ko yapfuye.

Madamu Milk, wa munyamategeko wa Kamba, yabwiye ikinyamakuru Bild ati:

"Ushinjwa arashinjwa uburiganya, ariko arabihakana. Ibikorwa [by’iperereza] birakomeje".

Byitezwe ko Kamba azaba umutanga-buhamya muri iri perereza, akavuga ko atari azi ibyakozwe n’uwo wari umugore we.

Uyu myugariro yakinaga mu ikipe y’ingimbi ya Schalke mu gihe kimwe n’umunyezamu nimero ya mbere w’Ubudage, Manuel Neuer, mbere yuko ayivamo mu mwaka wa 2007.

Nyuma yakomereje umupira mu makipe atandukanye yo mu cyiciro cyo hasi yo mu Budage.

Ubwo iyo nkuru y’icyiswe urupfu rwe yamenyekanaga mu kwa mbere mu mwaka wa 2016, yakinaga mu ikipe ya VFB Huls yo mu cyiciro cya munani.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kiyovu Sports yasinyishije umukinnyi Ngendahimana uri mu beza bakina hagati...

Ikipe ya Kiyovu Sports yamaze kugura umwe mu bakinnyi beza cyane bakina mu...
3 June 2020 Yasuwe: 1529 0

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2326 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4691 0

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 3457 0

Rutanga Eric ashobora kuva muri Police FC igitaraganya kubera indi kipe...

Myugariro Rutanga Eric ukina inyuma ku ruhande rw’ibumoso mu ikipe y’igihugu...
1 June 2020 Yasuwe: 7867 2

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 5100 0