skol
fortebet

Real Madrid yandikiye La LIGA yamagana ingengabihe yasohoye yorohereza FC Barcelona bahanganiye igikombe

Yanditswe: Tuesday 23, Jun 2020

featured-image

Sponsored Ad

Ikipe ya Real Madrid ishaka gutwara igikombe cya LA LIGA uyu mwaka,yandikiye abashinzwe gutegura iki gikombe cya shampiyona ibamenyesha ko batishimiye uko ingengabihe y’umunsi wa 33 na 34 ipanze kuri bo kuko yahawe igihe gito hagati y’iyo mikino yombi ugereranyije na Mukeba.

Sponsored Ad

Mu gihe intambara yo guhiga igikombe cya shampiyona ya 2019-2020 ikomeje guca ibintu hagati ya Barcelona na Real Madrid,Iyi kipe y’I Madrid yabwiye LA Liga ko yakoze ingengabihe yorohereza umukeba.

Icyababaje Real Madrid nuko hagati y’imikino izahura na Getafe na Athletic Club harimo amasaha 72 nyamara FC Barcelona yo yahawe iminsi 5 hagati y’imikino 2 izakina muri icyo gihe.

Real Madrid yabwiye abategura shampiyona ko itanyuzwe niyo ngengabihe kuko itaborohereza na gato ndetse iba ikipe ya mbere ivuze ko itishimiye iyi ngengabihe iba yakozwe na mudasobwa.

Madrid yabwiwe ko izakina umukino wa 33 na Getafe ari kuwa Kane saa yine hanyuma yongere gukina ku cyumweru saa kumi.

Ibi bivuze ko iyi kipe izava I Madrid imaze guhura na Getafe byamaze kuba kuwa Gatanu hanyuma ihite yerekeza I Bilbao kuwa Gatandatu ibintu ubuyobozi bubona ko bizananiza cyane abakinnyi bikanatuma batabasha kwitwara neza.

Barcelona izakira Atletico Madrid kuwa kabiri w’icyumweru gitaha nijoro saa 22:00 hanyuma ihite isura Villarreal ku Ku cyumweru saa 22:00 yabonye umwanya wo kwitegura.

Mu minsi ishize, Umutoza wa Real Madrid, Zinedine Zidane,yasabye abakinnyi be ko bafata imikino isigaye muri shampiyona y’icyiciro cya mbere muri Espagne ‘La Liga’ nk’Igikombe cy’Isi kugira ngo babashe kwigobotora FC Barcelone, begukane igikombe cya kabiri cya shampiyona mu myaka umunani.

Zidane yagize ati “Abakinnyi banjye bazi icyo gukina imikino ya nyuma y’Igikombe cy’Isi cyangwa Igikombe cy’Uburayi bivuze.Icy’ingenzi ni ukwitegura kandi ndatekereza ko twiteguye neza, neza cyane. …tuzatanga buri kimwe. Mfite icyizere ko ibyo twakoze hamwe n’abakinnyi aribyo tugomba kugaragaza mu kibuga.”

Imikino ya La Liga iri gukinirwa mu muhezo kubera icyorezo cya Coronavirus nubwo umuyobozi w’iyi shampiyona, Javier Tebas, yavuze ko stade zemerewe kwakira abantu bari hagati ya 10 na 15% mbere y’uko uyu mwaka w’imikino urangira.

Real Madrid iri gukinira kuri Stade Alfredo di Stefano kubera ko Santiago Bernabeu igomba kuvugururwa ikagirwa stade y’akataraboneka.

Kugeza ubu Real Madrid na FC Barcelona ziranganya amanita 65 n’imikino 30 zimaze gukina gusa iyi Madrid iyoboye shampiyona kuko ariyo yatsinze umukino umwe mu mikino 2 yazihuje.


FC Barcelona na Real Madrid ziri kurebana ay’ingwe

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa