skol
fortebet

Real Madrid yirukanye umwe mu batoza bayo wibasiriye abakinnyi bayo nyuma yo kunyagirwa na FC Barcelona

Yanditswe: Saturday 02, Mar 2019

Sponsored Ad

Ikipe ya Real madrid yamaze kwirukana umutoza wayo w’abatarengeje imyaka 18 witwa Alvaro Benito,wagize agahinda nyuma yo kunyagirwa na FC Barcelona ibitego 3-0,agatuka abakinnyi bo mu ikipe ya mbere.

Sponsored Ad

Alvaro Benito yagiye mu binyamakuru avuga ko hari abakinnyi ba Real Madrid bakina mu ikipe ya mbere batagakwiriye kubanza mu kibuga kubera imikinire yabo iri ku rwego rwo hasi.

Yagize ati “Hari abakinnyi batakiri ku rwego bahozeho.Ndavuga kuri Casemiro udakwiriye no guhabwa umunota umwe wo gukina muri Real Madrid.Kroos we akina iyo umuyaga umushyigikiye,iyo uri ku rundi ruhande ubwao buramusiga.”

Benito wamaze imyaka 7 ari umukinnyi wa Real Madrid,yasezeye ku myaka 26 kubera imvune yagize zikanga gukira ahita ahabwa akazi ko kuba umutoza w’abana.

Benito ukunda Real madrid birenze,yababajwe no kunyagirwa na FC Barcelona ibitego 3-0 mu mukino wo kwishyura wa ½ cya Copa del Rey,bucya mu gitondo ajya guserereza abakinnyi bo mu ikipe ya mbere bitwaye nabi.

Benito yavuze ko yakoze aamkosa yo guserereza ikipe akunda kandi yakagombye kuba yarayishyigikiye ashimira ubuyobozi bwa Real Madrid bwamuhaye amahirwe.


Benito yavuze ko Casemiro nta musaruro agitanga

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa