addresiya
Kigali
startimes

Riyad Mahrez yajyanwe mu nkiko n’umukozi we wo mu rugo umushinja kumwambura amafaranga make cyane

Imyidagaduro   Yanditswe na: Dusingizimana Remy 27 June 2019 Yasuwe: 2136

Rutahizamu wa Algeria na Manchester City,Riyad Mahrez,yajyanwe mu nkiko n’umukozi we wo mu rugo wareraga abana be amushinja kumwambura ibihumbi 3,600 by’amapawundi kandi uyu mukinnyi ahembwa ibihumbi 200 ku cyumweru.



Uyu mukozi wo mu rugo ukomoka muri Philippines witwa Catalina “Cathy” Miraflores w’imyaka 52,yababajwe no kwamburwa amapawundi angana n’ibihumbi 3,600 n’umukinnyi w’umuherwe Riyad wa Manchester City yari amaze igihe arerera abana.

Uyu mukozi uhembwa amapawundi 12 ku isaha yafashe umwanzuro wo kujyana mu nkiko uyu mukinnyi Riyad Mahrez aramutsinda,niko gutegekwa n’urukiko kumwishyura amafaranga ye.

Uyu mubyeyi w’umwana umwe Cathy yagize ati “Ni umuntu mubi.Nakoze n’ingufu zanjye zose,igihe cyose.Nashakaga amafaranga yanjye aranyima.Sinari nzi icyo nakora.Nabaga mu cyumba cy’abana be kandi buri saha babaga bampamagara.Sinashoboraga kujya iwanjye kuko iyo abana babyukaga nagombaga kubitaho.Nakoze akazi kanjye neza sinzi impamvu atampembye.

Mahrez ni umunyabugugu.sinshaka kwica izina rye ariko agira ubugugu.Icyo nshaka ni amafaranga yanjye.”

Cathy yahawe akazi na Mahrez n’umugore we Rita muri Werurwe umwaka ushize.Bamusaba ko yabarerera abakobwa babo babiri ariko igihe cyo guhembwa ntiyabonye umushahara.

Aba bombi babaga mu mujyi wa London,bahaye Cathy akazi ko kurera aba bana iminsi 5 mu cyumweru, ubwo uyu mukinnyi yakinaga mu ikipe ya Leicester City.

Cathy yavuze ko mu minsi ya mbere byagendaga neza agahabwa amafaranga ye mu byumweru 2 cyangwa 3,akabona amafaranga yo kwishyurira umukobwa we ishuli.

Cathy yagize ati “Mu ntangiriro nta kibazo cyabaye.Bakiba London barishyuraga.Banyishyuraga neza n’amasaha y’ikirenga.

Uyu mukozi yabwiye The Sun ko uyu mukinnyi w’umuherwe uhembwa ibihumbi 200 by’amapawundi yamwirengagije ndetse yajyaga amwandikira buri gihe amwishyuza uyu mukinnyi akamwima amatwi.

Muri Mutarama nibwo uyu mukozi wo mu rugo yafashe umwanzuro wo kwitabaza inkiko ngo zimwishyurize Mahrez,yanga kwitaba urukiko kuwa 11 Kamena uyu mwaka kubera gutegura imikino y’igikombe cya Afurika.

Umucamanza witwa John Sherratt yategetse Mahrez n’umugore we kwishyura Cathy ibihumbi 3,612 y’umushahara bamugomba.




Mahrez n’umugore we bajyanwe mu nkiko kubera kwambura umukozi wabo wo mu rugo witwa Cathy

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 3489 0

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 2887 0

Rutanga Eric ashobora kuva muri Police FC igitaraganya kubera indi kipe...

Myugariro Rutanga Eric ukina inyuma ku ruhande rw’ibumoso mu ikipe y’igihugu...
1 June 2020 Yasuwe: 7078 2

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 4756 0

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 5775 1

Umukunzi wa Cristiano Ronaldo yongeye guca ibintu kubera ifoto yashyize...

Umukunzi wa Cristiano Ronaldo witwa Georgina Rodriguez yongeye gutuma...
30 May 2020 Yasuwe: 8024 4