Kigali
startimes

RNC yahagaritse by’agateganyo komite yayo yo muri Canada yashinjwekwigomeka

Imyidagaduro   Yanditswe na: Dusingizimana Remy 29 November 2019 Yasuwe: 1325

Ishyaka rirwanya Leta y’u Rwanda RNC ryahagaritse by’agateganyo bane mu bagize komite nyobozi yaryo kubera gukora inama mu izina rya komite nshingwabikorwa y’intara ya Canada mu buryo buhabanye n’indangagaciro zayo ndetse no kwiha ububasha badafite.



Nkuko amakuru dukesha ikinyamakuru Rwanda Tribune abitangaza,abahagaritswe ni Simeon Ndwaniye umuhuzabikorwa w’akarere ka Windsor,Jean Paul Ntagaraumuhuzabikorwa wungirije w’intara ya Canada,Achille Kamana komiseri ushinzwe ubukangurambaga mu ntara ya Canada,Tabita Gwiza komiseri ushinzwe abari n’abategarugori mu ntara ya Canada akaba n’umubitsi mu karere ka Windsor.

Itangazo ribahagarika byagateganyo ryashyizweho umukono na Jerome Nayigiziki,umuhuzabikorwa mukuru w’ihuriro nyarwanda RNC ku itariki ya 26 Ugushyingo uyu mwaka.

Dore uko itangazo riteye

Rwanda National Congress
1200 G Street,
NW, Suite 800
Washington D.C. 20005
United States of America
Washington tariki ya 26 Ugushyingo 2019

Impamvu : Guhagarikwa by’agateganyo
Ku mirimo yose y’Ihuriro

- Bwana Simeon Ndwaniye,Umuhuzabikorwa w’akarere ka Windsor,

- Bwana Jean Paul Ntagara,Umuhuzabikorwa wungirije w’Intara ya Canada, umubitsi w’intara ya Canada (wahagaritswe kuri uwo murimo by’agateganyo kubera gufatira umutungo w’Ihuriro) n’uw’akarere ka Ottawa- Gatineau,

- Bwana Achille Kamana,Komiseri ushinzwe ubukangurambaga mu ntara ya Canada, umuhuzabikorwa w’akarere ka Ottawa-Gatineau,

- MadamuTabitha Gwiza, Komiseri ushinzwe abari n’abategarugori mu ntara ya Canada, umubitsi mu karere ka Windsor,

Mbandikiye mbamenyesha ko Biro ya Komite Nshingwabikorwa y’Ihuriro Nyarwanda (RNC) yakiriye inyandiko-mvugo y’inama mwakoze uko muri bane ku itariki ya 21 Ugushyingo 2019; iyo nama ikaba yarakozwe mu izina rya Komite Nshingwabikorwa y’intara ya Canada.

Biro nkuriye yasuzumanye ubwitonzi ibikubiye muri iyo nyandiko-mvugo, isanga inama mwakoze ihabanye cyane n’amategeko, amahame n’indangagaciro Ihuriro rigenderaho.

Inama yanyu yihaye ububasha idafite na gato ifata ibyemezo bidahwitse na gato, yiha uburenganzira bwo guhagarika umuhuzabikorwa w’intangarugero kugeza ubu mu maso y’Ihuriro muri rusange, igerekaho no kwihanangiriza abayobozi babakuriye, ari bo:

- Umuhuzabikorwa wungirije wa 3 ukuriye abahuzabikorwa b’intara zose akaba anabibangikanyije n’imirimo y’umubitsi mukuru
- Umunyamabanga mukuru w’Ihuriro Nyarwanda
- Umwe mubagize akanama k’inararibonye
Mutaretse na bagenzi banyu muhuriye muri Komite Nshingwabikorwa y’intara ya Canada.

Kubera uburemere bw’amakosa mwakoze kandi mu rwego rwo guca akajagari no kubungabunga ubusugire bw’Ihuriro Nyarwanda, mbamenyesheje ko guhera uyu munsi tariki ya 26 Ugushyingo 2019, muhagaritswe by’agateganyo ku mirimo yose buri wese yakoraga mu izina ry’Ihuriro.

Muzahabwa igihe gihagije cyo kwisobanura imbere y’inzego zibishinzwe kugirango icyemezo cya burundu kizafatwe ntawuzinzikiranyijwe cyangwa ngo aniganwe ijambo.

Mugire amahoro!
​Jerome Nayigiziki
​Umuhuzabikorwa Mukuru w’Ihuriro Nyarwanda
​(Sé)

Bimenyeshejwe:
– Komite Nshingwabikorwa y’Ihuriro Nyarwanda (bose)
– Abahuzabikorwa b’intara (bose)
– Umugenzuzi Mukuru
– Ukuriye inteko y’Inararibonye
– Abagize Komite Nshingwabikorwa n’abayoboke b’Intara ya Canada (bose

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Rayon Sports yasabye APR FC kongera kuyitiza Sugira Ernest

Ikipe ya Rayon Sports yashimye umusaruro Sugira Ernest yayihaye ariyo...
10 July 2020 Yasuwe: 234 0

Thierry Henry yapfukamye iminota 8:46 mbere y’umukino yibuka George Floyd...

Thierry Henry, umutoza w’ikipe ya Montreal Impact akaba n’icyamamare mu...
10 July 2020 Yasuwe: 624 0

KNC yareze Rayon Sports muri FERWAFA ko ishaka kumutwarira umukinnyi...

Umuyobozi w’ikipe ya Gasogi United,Kakoza Nkuliza Charles (KNC),yandikiye...
9 July 2020 Yasuwe: 3314 0

Robin Van Persie yavuze abakinnyi 3 abona bakwiriye kuvamo uhabwa Ballon...

Uwahoze ari rutahizamu ukomeye muri Arsenal na Manchester United,Robin Van...
9 July 2020 Yasuwe: 2061 0

Gasogi United yahaye Kwizera Olivier iminsi 2 yo kuba yayisinyiye cyangwa...

Ikipe ya Gasogi Unitedyandikiye umunyezamu Kwizera Olivier ibaruwa imusaba...
8 July 2020 Yasuwe: 2111 0

Uwari umutoza wungirije mu ikipe ya APR FC yatandukanye na yo

Nyuma yo kunanirwa kumvikana na APR FC ku bijyanye no kuba yakongererwa...
8 July 2020 Yasuwe: 1425 0