Rutahizamu wa Bayern Munich,Robert Lewandowski,ukomeje kuvugwa cyane mu binyamakuru kubera ukuntu adahagarika gutsinda ibitego,yavuze ko yahuye na ba myugariro benshi ariko uwitwa Sergio Ramos ariwe wamubitsemo ubwoba ndetse ngo ntajya yifuza guhura nawe.

Sponsored Ad

Uyu munya Pologne umaze gutsinda muri buri mukino wose wa Bundesliga muri uyu mwaka w’imikino wa 2019-2020,yabwiye abanyamakuru ko myugariro Ramos ariwe atinya kurusha abandi bose ku isi kubera ukuntu yamugoye ubwo Bayern yahuraga na Real Madrid muri UEFA Champions League.

Yagize ati “Umukinnyi wangoye mubo twahuye?.Nahuye na ba myugariro benshi bakomeye ariko bihora binshimisha guhangana na Sergio Ramos.Birangora guhangana nawe ariko biranshimisha iyo twahuye.”

Mu mikino 11 ya Bundesliga imaze gukinwa uyu mwaka,Lewandowski amaze gutsinda ibitego 16 ndetse muri uyu mwaka w’imikino 2019/2020 niwe mukinnyi umaze gutsinda ibitego byinshi [23].Mu mezi 11 ashize,Lewandowski yatsinze ibitego 41 bimufasha kuza ku mwanya wa mbere muri ba rutahizamu aho akurikiwe na Messi arusha 2.