startimes
Kigali
startimes

Robin Van Persie yavuze abakinnyi 3 abona bakwiriye kuvamo uhabwa Ballon d’Or 2021 batarimo Ronaldo na Messi

Imyidagaduro   Yanditswe na: Dusingizimana Remy 9 July 2020 Yasuwe: 2663

Uwahoze ari rutahizamu ukomeye muri Arsenal na Manchester United,Robin Van Persie,yatangaje abakinnyi 3 yabonye baritwaye neza kurusha abandi muri uyu mwaka wa 2019/2020 ndetse bavamo utwara Ballon d’Or batarimo Cristiano Ronaldo na Lionel Messi.


Sponsored Ad


Uyu Muholandi wari kizigenza mu gutsinda ibitego yavuze ko abakinnyi barimo Robert Lewandowski wa Bayern Munich,Kevin De Bruyne wa Manchester City na Sadio Mane wa Liverpool aribo yatoranyamo utwara Ballon d’Or.

Lewandowski niwe mukinnyi wakoze ibikorwa by’indashyikirwa muri uyu mwaka kurusha abandi kuko yatsinze ibitego 52 mu mikino 43 yakinnye mu marushanwa yose bituma afasha ikipe ye kwegukana Bundesliga na DFB Pokal ndetse n’ikipe ye Bayern Munich yateye intambwe igaragara iyigeza muri ¼ cya UEFA Champions League izakomeza muri Kanama.

Uyu mukinnyi niwe ufite ibitego byinshi mu mashampiyona yose akomeye ku mugabane w’I Burayi ndetse kugeza ubu ariwe uyoboye abamaze gutsinda ibitego byinshi muri Champions League na 11 mu mikino 6 naho muri shampiyona yatsinze 34.

De Bruyne amaze gutsinda ibitego 11 muri Premier League ndetse amaze gutanga imipira 18 yavuyemo ibitego.Ikipe ye yatwaye Carabao Cup,iri no muri ½ cya FA Cup ndetse yatsindiye Real Madrid iwayo muri 1/16 cya UEFA Champions League.

Sadio Mane nawe afite ibigwi kuko yafashije Liverpool kwegukana igikombe cya shampiyona y’Ubwongereza yari imaze imyaka 30 idakoraho,yatsinze ibitego 16 ndetse atanga imipira 7 yavuyemo ibitego.Mane yafashije Liverpool kwegukana igikombe cy’isi cy’amakipe.

Nubwo Messi atashyizwe kuri uru rutonde,amaze gutsinda ibitego 22 no gutanga imipira 19 yavuyemo ibitego nubwo amahirwe yo gutwara La Liga ari make.

Ronaldo we aherutse guca agahigo ko kuba umukinnyi utsindiye Juventus ibitego byinshi mu mwaka umwe w’imikino kari kamaze imyaka 60.

Ronaldo amaze gutsinda ibitego 26 mu mikino 27 ya Serie A yakinnye nawe ahanze amaso UEFA Champions League.

Gutwara Ballon d’Or y’uyu mwaka bizashingira ku ikipe yatwaye UEFA Champions League ariyo mpamvu ntawahita yemeza izina rimwe riyikwiriye.

Ibi Van Persie yavuze biramutse bibaye,bwaba ari ubwa mbere kuva muri 2006 mu bakinnyi 3 bahatanira Ballon d’Or hatarimo Ronaldo cyangwa Messi.




Robin Van Persie yavuze ko de Bruyne,Lewandowski na Mane aribo yakuramo utwara Ballon d’Or

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Willian yasezeye muri Chelsea afungura amarembo amwerekeza muri...

Willian, umukinnyi ukina ku ruhande ukomoka muri Brazil, yemeje ko avuye...
9 August 2020 Yasuwe: 1040 0

Karekezi Olivier wari utegerejwe cyane n’abakunzi ba Kiyovu Sports yageze mu...

Umutoza mushya wa Kiyovu Sports Olivier Karekezi yageze mu Rwanda kuri iki...
9 August 2020 Yasuwe: 1186 0

Umutoza wa Bayern Munich yavuze uko biteguye kuzahangana na Lionel...

Bayern Munich izahura na Barcelona muri kimwe cya kane cya Champions League...
9 August 2020 Yasuwe: 1778 0

Andrea Pirlo yagizwe umutoza mushya wa Juventus asimbuye Sarri

Kizigenza mu mupira w’amaguru mu Butaliyani by’umwihariko muri Juventus na AC...
9 August 2020 Yasuwe: 1158 0

FC Barcelona yihimuye kuri Napoli mu gihe Bayern Munich yihanije Chelsea...

Kuri uyu wa Gatandatu tariki ya 08 Kanama 2020,hakomeje imikino ya 1/16 cya...
8 August 2020 Yasuwe: 1651 0

Mushiki wa Cristiano Ronaldo yanenze bikomeye abakinnyi ba Juventus...

Mushiki wa Cristiano Ronaldo witwa Elma Aveiro yanenze abakinnyi ba...
8 August 2020 Yasuwe: 2512 0