addresiya
Kigali
startimes

Ronaldinho n’umuvandimwe we bagiye kugezwa imbere y’urukiko rwo muri Paraguay

Imyidagaduro   Yanditswe na: Martin Munezero 7 March 2020 Yasuwe: 926

Ubushinjacyaha bwo muri Paraguay bwanzuye ko buri bugeze imbere y’urukiko icyamamare mu mukino w’umupira w’amaguru Ronaldinho n’umuvandimwe we unasanzwe ari umujyanama we Roberto Assis bashijwa kwinjira muri iki gihugu bakoresheje pasiporo z’impimbano.



Ku wa 4 Werurwe nibwo inzego z’umutekano muri Paraguay zataye muri yombi Ronaldinho n’umuvandimwe we zibashinja kwinjira muri iki gihugu bakoresheje pasiporo zifite nimero zanditse ku bandi.

Aba bavandimwe bageze muri Paraguay ku wa Gatatu aho bari bagiye kubera impamvu z’akazi.

Nyuma yo gusanganwa izi pasiporo bahise bajyanwa kuri sitasiyo ya polisi iri mu murwa mukuru w’iki gihugu Asuncion, aho bahaswe ibibazo mu gihe cy’amasaha atandatu ariko bo bakiregura bavuga ko izi pasiporo bazihawe nk’impano.

Umushinjacyaha Federico Delfino iki gihe yafashe umwanzuro w’uko bahabwa ikindi gihano ntibagezwe imbere y’urukiko, gusa uyu mwanzuro waje kuvuguruzwa byemezwa ko kuri uyu wa 7 Werurwe baza guhura n’umucamanza akaba ari we uri bwemeze niba barekurwa cyangwa bakomeza gufungwa mu gihe hakiri gukorwa iperereza.

Umunyamategeko w’uyu mukinnyi Sergio Queiroz yemereye ibiro ntaramakuru by’Abanyamerika Associated Press ko koko uyu mukinnyi yatawe muri yombi ariko avuga ko hari gukorwa ibishoboka byose ngo we n’umuvandimwe we barekurwe.

Muri Nyakanga 2019 uyu mukinnyi kandi yari yatswe pasiporo ya Espagne kubera kutishyura imisoro n’amande yari yaciwe kubera kubaka muri Brazil binyuranyije n’amategeko.

Passport ya Ronaldinho bivugwa ko ari pirate

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Cristiano Ronaldo yabaye umukinnyi wa mbere wa ruhago utunze miliyari...

Ikinyamakuru Forbes cyatangaje ko kabuhariwe Cristiano Ronaldo ukinira...
5 June 2020 Yasuwe: 1858 0

Minisiteri ya Siporo yakomoreye imwe mu mikino ikinwa abantu bategeranye...

Minisiteri ya Siporo yatangaje ko imwe mu mikino ikinwa abantu bategeranye...
5 June 2020 Yasuwe: 1632 0

FERWAFA yatumiye abanyamuryango bayo bose mu nama yo kugabana...

Ishyirahamwe ry’umupira w’amaguru mu Rwanda (FERWAFA), ryandikiye...
4 June 2020 Yasuwe: 1520 0

Kiyovu Sports yasinyishije umukinnyi Ngendahimana uri mu beza bakina hagati...

Ikipe ya Kiyovu Sports yamaze kugura umwe mu bakinnyi beza cyane bakina mu...
3 June 2020 Yasuwe: 1666 0

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2411 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4803 0