skol
fortebet

Rutahizamu Roberto Firmino yiyeguriye Imana abatirizwa muri Pisine ye [AMAFOTO]

Yanditswe: Thursday 16, Jan 2020

Sponsored Ad

Rutahizamu wa Liverpool,Roberto Firmino yiyeguriye Imana abatirizwa muri Pisine ye mu rugo mu muhango witabiriwe na mugenzi we bakinanandetse bakomoka mu gihugu kimwe cya Brazil, umunyezamu Alisson Becker.

Sponsored Ad

Roberto Firmino yateye ikirenge mu cy’abandi banya Brazil bashyize hanze amashusho bari kubatizwa barimo Willian na Philippe Coutinho.

Mu marira y’ibyishimo,Firmino n’inshuti ze,umuryango we ndetse n’abakinnyi bakinana bakoze ikirori cyo kwishimira ko uyu musore yahaye ubuzima bwe Imana.

Alisson Becker n’undi mugabo nibo babatije uyu rutahizamu.Bahagaze muri iyi pisine bamwibiza muri ayo mazi.

Nyuma yo kubatizwa,umugore we Lari yamusanze muri Pisine amuhobera ari kurira amarira y’ibyishimo yatewe n’uyu mwanzuro yafashe.

Rutahizamu Firmino uri mu bahetse ikipe ya Liverpool iyoboye Premier League ndetse ifite amahirwe menshi yo kwegukana Premier League itaratwara na rimwe mu mateka yayo,yacurangiwe n’umuhanzi wa Gospel ukomeye muri Brazil, Isaias Saad.

Abitabiriye uyu muhango bari bambaye udupira turiho umusaraba,ikimenyetso cya bihwanye n’umutima.




Ibitekerezo

  • Twizere ko atari umuhango gusa.Kubera ko nubwo isi yuzuyemo milliards z’abantu babatijwe,ntibiyibuza kuba mbi.Kubera ko bakora ibintu byinshi imana itubuza:Kwicana,kurwana,kwiba,kurya ruswa,gusambana,etc...Muri make,abantu bumvira imana ni bake cyane.Isi izaba nziza aruko imana ikuye mu isi abantu bose bakora ibyo itubuza ku munsi wa nyuma.Niwo muti wonyine.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa