Kigali

Rutahizamu wari kizigenza muri RDC yaje mu Rwanda kumvikana na Rayon Sports

Imyidagaduro   Yanditswe na: Dusingizimana Remy 22 June 2019 Yasuwe: 6885

Rutahizamu witwa Bola Lobota, watsinze ibitego 10 mu mikino 25 yakiniye ikipe ya AS Nyuki (RDC mu mwaka w’imikino ushize, yageze i Kigali kuri uyu wa Gatandatu taliki ya 22 Kamena 2019, aho aje gusinyira amasezerano Rayon Sports.



Ikipe ya Rayon Sports yateye imboni uyu rutahizamu muri Gashyantare uyu mwaka ubwo yari yaje kuyikoramo igeragezwa, niko gutangira kumwegera ngo azayikinire mu mwaka w’imikino utaha,none birangiye ageze mu Rwanda.

Ahagana saa kumi n’ebyiri na mirongo ine z’igitondo cyo kuri uyu wa Gatandatu, nibwo uyu rutahizamu yari ageze ku kibuga cy’indege mpuzamahanga cya Kigali, yakirwa n’ushinzwe itangazamakuru (Media officer) wa Rayon Sports, Nkurunziza Jean Paul.

Lobota yabwiye abanyamakuru ko yakunze Rayon Sports ubwo yayikoragamo igeragezwa ndetse yiteguye kuyisinyira igihe cyose baba bumvikanye.

Yagize ati “Bwa mbere nza mu ikpe ya Rayon Sports, nahise nyikunda cyane. Nje kumvikana n’abayobozi bayo, byose nibigenda neza, nzatanga byose mfite nkoresheje imbaraga zanjye zose, nicyo abafana banyitegaho."

Bola Lobota arangije amasezerano muri AS Nyuki ndetse ngo arashaka kugerageza amahirwe hanze ya RDC ariyo mpamvu yaje mu Rwanda kumvikana na Rayon Sports.

Ubwo Bola Lobota yaherukaga mu Rwanda mu igeragezwa,yahise ashimwa n’abatoza ba Rayon Sports ariko isoko ry’ igura n’igurisha ryari ryamaze gufungwa haba ku bakinnyi bo mu Rwanda ndetse n’abo hanze.

Rayon Sports yaramushimye, ihitamo kuzongera kumvikana na we umwaka w’imikino urangiye ari nayo mpamvu yagarutse mu Rwanda. Mu myitozo ni umukinnyi wari wagaragaje ko afite byinshi azi cyane cyane mu gutsinda.

Bola Lobota yavuze ko Rayon Sports ari ikipe nkuru,yamwakiriye neza ubwo yayikoreragamo igerageza mu ntangiriro z’uyu mwaka ndetse ngo yabonye ifite abakinnyi beza bamugaragarije urukundo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Robertinho yasembuye abafana ba Rayon Sports kubera ubutumwa yashyize kuri...

Umutoza Roberto Oliveira Goncalves do Carmo uzwi nka Robertinho yasembuye...
25 February 2020 Yasuwe: 1715 0

Hagati y’Amavubi y’u Rwanda n’Intare za Cameroon rwabuze gica

Umukino wa Gicuti wahuje ikipe y’igihugu Amavubi na Cameroon, warangiye...
24 February 2020 Yasuwe: 4171 0

TdRWANDA 2020: Mulu Kinfe Hailemicheal yegukanye agace ka kabiri abuza...

Kuri uyu wa Mbere taliki ya 24 Gashyantare 2020, hakinwe agace ka kabiri...
24 February 2020 Yasuwe: 3127 0

Arsene Wenger yatangaje ikintu gikomeye akundira Frank Lampard utararamba...

Umutoza Arsene Wenger wamamaye kubera ibigwi yagize mu ikipe ya Arsenal mu...
24 February 2020 Yasuwe: 3257 0

Ubutaliyani bwashyize amananiza ku bakinnyi ba FC Barcelona

Kuri uyu wa Mbere nibwo ikipe ya FC Barcelona irerekeza mu mujyi wa Napoli...
24 February 2020 Yasuwe: 3286 0

Akayabo Cristiano Ronaldo aha umukunzi we buri kwezi ngo yinezeze...

Rutahizamu wa Juventus, Cristiano Ronaldo,yongeye kuvugwa cyane mu...
24 February 2020 Yasuwe: 6117 1