Kigali

Rutanga Eric yavuze ku makuru amwerekeza muri Yanga Africans

Imyidagaduro   Yanditswe na: Dusingizimana Remy 12 December 2019 Yasuwe: 2004

Myugariro wa Rayon Sports akaba na kapiteni wayo, Rutanga Eric, yanyomoje amakuru yavugaga ko yamaze kumvikana na Yanga Africans yo muri Tanzania aho yemeje ko ibi ari ibihuha.



Mu kiganiro yagiranye n’itangazamakuru nyuma y’imyitozo yo kuri uyu wa Gatatu, Rutanga, yavuze ko nta biganiro byizege biba hagati ye n’iyi kipe yo muri Tanzania.

Yagize ati "Ariya makuru nayafata nk’ibihuha, ntabwo njyewe nerekeje muri Yanga SC, njyewe ndi umukinnyi wa Rayon Sports. Hagize n’ibiganiro bibaho bavugana n’Abayobozi kuko njye sindavugana nayo, mfite imyaka ibiri ya Rayon Sports, ntabwo ndi umukinnyi wigurisha.

Yanga SC mu mwaka ushize yigeze kunshaka ntibyakunda kuko nahise nerekeza muri Zambia, naho ntibyakunda ndagaruka. Baguze undi mukinnyi ntibyamuhira ni yo mpamvu ubu banyifuza."

Rutanga yavuze ko abafana ba Yanga Africans bamwifuza ndetse hari ibiganiro byahuje abayobozi b’amakipe yombi bitagize icyo bigeraho.

Yagize ati "Abafana baranshaka, na Papy Sibomana tujya tuvugana. Perezida wa Yanga SC yaraje aganira n’uwa Rayon Sports, ariko ibyo baganiriye ntabwo byaciyemo. Njye ntabwo navuga ngo navuganye na bo, n’ibizaba byaba ku ruhande rw’Ubuyobozi.’’

Uyu ni umwaka wa gatatu Rutanga ari gukina muri Rayon Sports nyuma yo kuyigeramo mu mwaka w’imikino wa 2017/18, avuye muri APR FC yakuriyemo.

Mu mpera z’umwaka w’imikino ushize, yagarutse muri Rayon Sports, ahabwa amasezerano y’imyaka ibiri n’igitambaro cyo kuyobora bagenzi be, muri Kanama.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

APR FC igiye gukina na Mukura VS idafite abakinnyi bayo batatu

Ikipe y’ingabo z’igihugu yasoje imyitozo ya nyuma yabereye ku kibuga...
25 January 2020 Yasuwe: 1947 0

Abafana ba Manchester United bateguye imyigaragambyo yo kwamagana abaherwe...

Abafana ba Manchester United bari mu kababaro k’uko ikipe yabo iri gutsindwa...
25 January 2020 Yasuwe: 1715 0

Kiyovu Sport niyo yasimbuye Rayon Sports mu gikombe cy’Intwari...

Mu itangazo FERWAFA yashyize ahagaragara kuri uyu wa Gatanu, yemeje ko...
25 January 2020 Yasuwe: 1300 2

Umukinnyi wahoze muri FC Barcelona yatangaje ikintu abakinnyi bayo bose...

Umukinnyi witwa Jean-Clair Todibo wa FC Barcena ariko watijwe muri Schalke...
24 January 2020 Yasuwe: 5544 0

Rayon Sports yashyize hanze ibisabwa kugira ngo yitabire amarushanwa...

Ubuyobozi bw’ikipe ya Rayon Sports bwashyize hanze bimwe mu bisabwa abashaka...
24 January 2020 Yasuwe: 4206 3

Rayon Sports yikuye mu irushanwa ry’igikombe cy’Intwari 2020

Ikipe ya Rayon Sports yamaze gutangaza ko itazitabira irushanwa ry’Igikombe...
24 January 2020 Yasuwe: 3089 10