Rutahizamu wa Liverpool,Sadio Mane niwe watowe nk’umukinnyi witwaye neza kurusha abandi bose muri Afurika mu mwaka wa 2019.

Sponsored Ad

Uyu munya Senegal w’umuhanga cyane yatwaye iki gihembo atsinze abarimo mugenzi we bakinana muri Liverpool,Mohamed Salah na Riyad Mahrez ukinira Manchester City.

Mane w’imyaka 27 niwe wahabwaga amahirwe menshi yo kwegukana iki gihembo kubera ibitangaza yakoze muri 2019.

Sadio Mane yarangije Premier League 2018-2019 ayoboye abatsinze ibitego byinshi aho we,Mohamed Salah na Pierre-Emerick Aubameyang banganyije 22.

Mane yafashije Liverpool kwegukana Champions League ya 6 batsinze Tottenham 2-0 kuri final ndetse afasha Senegal kugera ku mukino wa nyuma w’igikombe cya Afurika yatsinzwemo na Algeria igitego 1-0.

Mane yabaye uwa kane ku rutonde rw’abakinnyi bahataniraga Ballon d’Or inyuma ya Lionel Messi, Virgil van Dijk na Cristiano Ronaldo.

Guhera 2016,Sadio Mane ntiyabuze mu bakinnyi 3 muri Afurika kuko yabaye uwa kabiri n’uwa 3 hanyuma umunsi we wageze yegukana iki gihembo.Asimbuye Mo Salah wari umaze imyaka 2 yikurikiranya acyegukana.

Abagize ikipe y’umwaka muri Afurika:

Onana (CAM, Ajax) - Aurier (CIV, Tottenham), Matip (CAM, Liverpool), Koulibaly (SEN, Naples), Hakimi (MAR, Dortmund) - Gueye (SEN, PSG) - Salah (EGY, Liverpool), Ziyech (MAR, Ajax), Mahrez (ALG, City), Mané (SEN, Liverpool) - Aubameyang (GAB, Arsenal).

Abandi begukanye ibihembo:

Umutoza w’umwaka mu bagabo: Djamel Belmadi
Federation of the Year: Egyptian Football Association
African Club President of the Year: Moise Katumbi
Umukinnyi w’umugore witwaye neza: Asisat Oshoala
Umutoza w’umugore w’umwaka: Diseree Ellis [Afurika y’Epfo]
Ikipe y’umwaka mu bagabo: Algeria
Ikipe y’umwaka mu bagore: Cameroon
Igitego cy’Umwaka: Riyad Mahrez [Algeria vs Nigeria,1/2 cya Afcon2019]
Umukinnyi ukiri muto w’umwaka: Achraf Hakimi