skol
fortebet

Sadio Mane yabaye umukinnyi wa kabiri wa Liverpool wanduye Covid-19

Yanditswe: Saturday 03, Oct 2020

featured-image

Sponsored Ad

Rutahizamu wa Liverpool ukomoka muri Senegal,Sadio Mane,yasanzwemo Covid-19 bituma ashyirwa mu kato akurwa mu bakinnyi biteguraga guhangana na Aston Villa kuri iki cyumweru muri Premier League.

Sponsored Ad

Sadio Mane uri mu bakinnyi bahetse Liverpool,yaraye asanzwemo Covid-19 yiyongera kuri Thiago Alcantara wayirwaye mu cyumweru gishize agashyirwa mu kato na nubu akirimo.

Uyu musore w’imyaka 28 ngo yagaragaje ibimenyetso byoroheje by’iyi ndwara ariko ngo ameze neza muri rusange.

Mane agiye kujya mu kato kazageza mu kiruhuko cy’imikino mpuzamahanga cyane ko za shampiyona zigiye guhagarara hagakinwa imikino y’ibihugu.

Liverpool yasohoye itangazo ivuga ati “Sadio Mane yasanganwe Covid-19 ndetse yamaze gushyirwa mu kato nkuko amabwiriza abivuga.

Uyu rutahizamu wabanje mu kibuga ndetse agatsinda igitego mu mukino wo kuwa Mbere twatsinze 3-1 Arsenal,yagaragaje ibimenyetso byoroheje ariko muri rusange ameze neza.

Nubwo we na Thiago Alcantara banduye, Liverpool Football Club yiyemeje gukomeza kubahiriza amabwiriza yo kwirinda Covid-19 kandi Mane agiye gushyirwa mu kato mu gihe giteganyijwe.

Mane nawe ubwe yasohoye itangazo ku mbuga nkoranyambaga ze ati “Muraho,nasanganwe Covid-19 ariko meze neza ndetse nta bimenyetso bikomeye ndi kugaragaza.

Nahise nishyira mu kato ndetse ntangire kuvurwa.Murusheho kubahiriza amabwiriza no kwirinda ubwanyu n’abanyu kugira ngo icyorezo kitazongera gukwirakwira ku isi.Nzagaruka nkomeye birenze uko nari meze.Twese hamwe tuzatsinda.”

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa