Kigali
dnd

Sadio Mane yavuze uburyo Football arirwo rurimi ruvugwa na buri wese ku isi anahishura abakinnyi akesha kuba umunyabigwi muri Liverpool

Imyidagaduro   Yanditswe na: Martin Munezero 17 November 2019 Yasuwe: 3271

Umukinnyi w’umunya Senegal ukinira ikipe ya Liverpool avuga ko yabaye umunyamahirwe kuba akinana n’abakinnyi n’umutoza baturuka mu bihugu bitandukanye, banavuga indimi zitandukanye ariko bakaba bashyira hamwe mu ikipe igatanga umusaruro mwiza.



Sadio Mane yavuze ko yishimira kuba akinana n’abakinnyi nka Mohamed Sarah w’umunya Misiri, Roberto Firmino uturuka muri Brazil akongeraho no gutozwa n’Umudage Jurgen Klopp ndetse ni amahirwe yagize kuba mu ikipe imwe nabo.

Uyu mukinnyi wazanywe muri Liverpool n’umutoza Jurgen Klopp muri 2016 avuye muri Southampton aguzwe miliyoni 34 z’amayero yabwiye ikinyamakuru ‘Liverpool FC Magazine’ ko yishimira kuba muri iyi kipe kandi ko biborohera kuba bashyira hamwe.

Yagize ati “Buri gihe mvuga ko byoroha gukorera hamwe. Kubwanjye numva narabaye umunya mugisha kuba nkinana n’aba bakinnyi b’ibitangaza.”

Yongeyeho ati “Buri mukinnyi wese wakinira iruhande rwabo byamushimisha kubera ko ni abakinnyi beza, batuma buri kimwe cyose cyoroha, nishimira gukinana nabo.”

Sadio Mane avuga ko yemera uburyo umutoza we Klopp ari umuhanga n’uburyo azi gushaka ibisubizo mu ikipe igihe cyose bikenewe.

Uyu mukinnyi kuri ubu uri mu karuhuko k’amakipe y’ibihugu yitezwe ko azongera agafasha Liverpool kwitwara neza dore ko umukino iheruka yari yayifashije gutsinda Mancester City bahanganiye igikombe cya shampiyona ibitego 3-1 bituma ikomeza kuyisigaho amanota 8 yose ku rutonde rw’agateganyo.

Liverpool izakina umukino ukurikira wo ku munsi wa 13 wa shampiyona na Crystal Palace taliki ya 23 Ugushyingo 2019. Muri uyu mwaka w’imikino wa shampiyona y’Abongereza aba basore uko ari batatu bagize ubusatirizi bwa Liverpool bamaze gutsinda ibitego 11 mu mikino 17 bamaze gukina mu marushanwa yose akinirwa muri iki gihugu.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

APR FC na Rayon Sports zigiye kongera zicakirane

Irushanwa ryo guhatanira igikombe cy’Ubutwari rizakinwa n’amakipe ane ya...
21 January 2020 Yasuwe: 2192 0

Jose Mourinho yari agiye kurwana n’umwe mu bakinnyi atoza mu ikipe ya...

Hashize igihe gito umutoza Jose Mourinho agizwe umutoza wa Tottenham ariko...
21 January 2020 Yasuwe: 2424 0

Ikipe ya Kiyovu Sports yafatiwe ibihano bikarishye kubera umutoza Casa...

Ishyirahamwe ry’umupira w’amaguru mu Rwanda ryamaze gufatira ibihano ikipe ya...
21 January 2020 Yasuwe: 1097 0

Rayon Sports yemeje ko nta muntu uzongera kuyiyobora adafite miliyoni 25...

Ikipe ya Rayon Sports yafatiye imyanzuro myinshi mu nama y’inteko rusange...
20 January 2020 Yasuwe: 4728 1

Arsene Wenger yavuze ukuntu kuva ku kibuga cy’amateka cya Highbury byagize...

Umutoza Arsene Wenger wamaze imyaka 22 atoza ikipe ya Arsenal yavuze ko...
20 January 2020 Yasuwe: 2144 0

KNC yatangiye guhigura ibyo yari yahigiye abafana ba Gasogi...

Perezida wa Gasogi United, Kakooza Nkuriza Charles ’KNC’ yatangiye guhigura...
20 January 2020 Yasuwe: 4066 0