Abayobozi ba shampiyona ya Jupiler League y’Ubiligi batangaje ko iyi shampiyona igomba guhagarikwa burundu kubera Coronavirus hanyuma amakipe agahembwa uko bimeze, aho ClubBrugge yahise itwara igikombe,hanyuma andi makipe akurikirana uko urutonde rumeze.

Sponsored Ad

Abayobozi b’iyi shampiyona bavuze ko nta kipe izamanuka mu cyiciro cya kabiri ahubwo amakipe abiri azazamuka.Jupiter League ikinwa n’amakipe 26 hanyuma 6 akaba ariyo akina kamarampaka.

Mu nama yabaye kuri uyu wa Kane nibwo abayobozi ba Jupiter League batoye ku bwiganze bw’amajwi ko shampiyona ya 2019-20 yahagarikwa burundu nubwo hari hasigaye umukino umwe ngo imikino irangire binjire muri kamarampaka [Playoffs].Uyu mwanzuro uzemezwa mu nama y’inteko rusange izaba kuwa 15 Mata 2020.

Mu gihe haburaga umukino 1 bagatangira Playoffs,Club Brugge yarushaga ikipe ya 2 amanota 15 byatumye yemererwa gutwara igikombe cya shampiyona ku nshuro ya 16 ndetse no kuzakina UEFA Champions League.

Uyu manzuro w’Ababiligi ushyize igitutu ku mashampiyona akomeye I Burayi ari kurwana nuko yazasozwa gusa birasa n’ibigoye kuko icyorezo cya COVID 1 kiri gukaza umurego.

Kuri uyu wa Gatanu nibwo abategura Premier League baraterana bakareba icyakora kuri iyi shampiyona ikunzwe ku isi aho yasubitswe kugeza kuwa 30 Mata 2020.