addresiya
Kigali
startimes

Shampiyona ya RDC yahagaritswe igitaraganya bituma TP Mazembe ihabwa igikombe

Imyidagaduro   Yanditswe na: Dusingizimana Remy 14 May 2020 Yasuwe: 513

TP Mazembe yatangajwe ko ari yo yegukanye igikombe cya shampiyona y’uyu mwaka muri Repubulika ya Demokarasi ya Kongo, nyuma y’isozwa rya shampiyona kubera coronavirus.



Ishyirahamwe ry’umupira w’amaguru muri DR Congo (FECOFA) ryasohoye itangazo rivuga ko ryafashe icyo cyemezo nyuma y’inama yabaye ejo ku wa gatatu.

Shampiyona y’umupira w’amaguru muri DR Congo yari yarahagaze kubera Covid-19, indwara y’ubuhumekero iterwa n’ubu bwoko bushya bwa coronavirus.

Iryo tangazo rya FECOFA rivuga ko TP Mazembe, yari iyoboye urutonde rw’agateganyo rwa shampiyona mbere yuko ihagarikwa, ihawe igikombe cy’uyu mwaka wa 2019/2020 cyabaye icya 18 cyayo n’amanota 53.Yari imaze gukina imikino 20.

AS Vita Club ni yo yabaye iya kabiri n’amanota 48, nkuko iryo tangazo rikomeza ribivuga.

FECOFA yanemeje ko amakipe abiri ya nyuma ku rutonde rwa shampiyona - OC Bukavu Dawa de Bukavu na AS Nyuki de Butembo - yamanutse mu cyiciro cya kabiri.

Ni mu gihe amakipe ya JSK de Kinshasa na Etoile Jaune du Katanga yo yazamutse mu cyiciro cya mbere.

Ku bijyanye na CAF Confederation Cup, bitewe n’uko igikombe cy’Igihugu (Coupe du Congo) cyasheshwe, hazasohoka Daring Club Motema Pembe (DCMP) na AS Maniema de Kindu zari ku mwanya wa gatatu n’uwa kane ku rutonde rwa Shampiyona.

Iyi shampiyona ije ikurikiye iya Kenya nayo yahagarutswe igitaraganya kubera COVID-19 hanyuma igikombe gihabwa ikipe ya Gor Mahia.

Uretse shampiyona zo muri Afurika zimwe na zimwe zahagaritswe,izindi shampiyona zirimo iy’Ububiligi n’Ubuholandi zagizwe imfabusa.

Shampiyona y’ikiciro cya mbere mu Buholandi yahagaritswe burundu muri Mata 2020,hemezwa ko nta kipe izahabwa igikombe cya shampiyona, nta kipe izamanuka mu kiciro cya kabiri cyangwa amakipe azazamuka ava mu kiciro cya kabiri aza mu kiciro cya mbere.

Ibi byose byatangajwe nyuma yuko goverinoma yo mu Buholandi yemeje ko ibikorwa bikomeye byose bihagaritswe kugera tariki ya 1 Nzeri. Byahise bituma abashinzwe gutegura shampiyona y’ikiciro cya mbere mu Buholandi — KNVB — yahise itangaza ko gusoza umwaka w’imikino wa 2019-20 bitagishobotse.

Ajax Amsterdam yari iyoboye urutonde rwa shampiyona ikurikiwe na AZ Alkmaar zinganya amanota zitandukanywa n’ibitego zizigamye, aya makipe azitabira imikino yo gushaka itike yo gukina amatsinda ya UEFA Champions League umwaka w’imikino utaha.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kiyovu Sports yasinyishije umukinnyi Ngendahimana uri mu beza bakina hagati...

Ikipe ya Kiyovu Sports yamaze kugura umwe mu bakinnyi beza cyane bakina mu...
3 June 2020 Yasuwe: 1584 0

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2354 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4734 0

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 3491 0

Rutanga Eric ashobora kuva muri Police FC igitaraganya kubera indi kipe...

Myugariro Rutanga Eric ukina inyuma ku ruhande rw’ibumoso mu ikipe y’igihugu...
1 June 2020 Yasuwe: 7950 2

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 5194 0