skol
fortebet

Sir Alex Ferguson yababariye Klopp ikosa rikomeye aherutse kumukorera

Yanditswe: Tuesday 28, Jul 2020

featured-image

Sponsored Ad

Umunyabigwi mu gutoza mu ikipe ya Manchester United no mu Bwongereza,Sir Alex Ferguson,yatangaje ko yababariye umutoza Jurgen Klopp wa Liverpool wamuhamagaye saa cyenda z’ijoro asinziye ashaka kumubwira ko yatwaye igikombe.

Sponsored Ad

Sir Alex Ferguson yatangaje ko yababariye Klopp wamukanguye saa 3:30 z’igicuku amubwira ko yatwaye igikombe cya shampiyona "Premier League" ikipe ya Liverpool yari imaze imyaka 30 ishakisha.

Ibi Sir Alex Ferguson yabitangaje mu muhango wo guha igihembo Klopp cyo kuba ariwe mutoza watowe na bagenzi be nk’umutoza w’umwaka [League Managers Association (LMA) Manager of the Year ].

Ferguson watwaye iki gihembo inshuro 5 ndetse kikanamwitirirwa,yashimiye Klopp akazi keza yakoze ko kubaka ikipe nziza cyane yatwaye shampiyona ndetse amubwira ko anamubabariye kubera uku kuntu yamukanguye nijoro.

Yagize ati "Jurgen mwiza.Turavuga kuri Leeds yari imaze imyaka 16 ikina mu kiciro cya kabiri [Championship] ariko Liverpool yri imaze imyaka 30 idatwara igikombe,biratangaje.Mu by’ukuri ukwiriye iki gihembo ariko imikinire y’ikipe yawe ni ntagereranywa.

Ubuhanga bwawe bwageze mu ikipe yose.Mwitwaye neza cyane.Ndakubabarira kubera ukuntu wankanguye saa cyenda n’igice z’ijoro umbwira ko watwaye shampiyona.Warakoze ariko mu by’ukuri wari ugikwiriye.Wakoze neza."

Liverpool yarangije shampiyona ya 2019/2020 ifite amanota 99 irusha amanota 18 Manchester City yabaye iya kabiri.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa