addresiya
Kigali
startimes

Sugira Ernest ashobora kongera kujya mu mazi abira kubera kubeshya ko yatijwe muri Police FC

Imyidagaduro   Yanditswe na: Dusingizimana Remy 29 December 2019 Yasuwe: 8242

Ubuyobozi bwa APR FC bwanyomoje amakuru yatangajwe na Sugira Ernest ubwe ko yatijwe muri Police FC kuko ngo itigeze imutira aho ngo yagombaga gutizwa mu ikipe imwe hagati ya Rayon Sports na Gasogi United.



Nkuko amakuru yagiye hanze ku munsi w’ejo yabitangaje, Ernest Sugira yabwiye ikinyamakuru FunClub.rw ko ubuyobozi bwa APR FC bwamaze kumutiza ikipe ya Police FC mu gihe cy’amezi 6 asigaye y’umwaka w’umupira w’amaguru hano mu Rwanda, akazagaruka mu ikipe ye mu mwaka w’imikino wa 2020/2021.

Ubuyobozi bwa APR FC bukimara kubona iyi nkuru bwahise bubwira iki kinyamakuru ko aya makuru ari ibinyoma kuko butigeze bubona ibaruwa yo gutira Sugira ivuye mu ikipe ya Police FC, ko nta n’ibiganiro bigeze bagirana n’iyi kipe cyangwa uyu mukinnyi imutiza kuri Police FC.

Umunyamabanga mukuru wa APR FC, Lt.Col. Sekaramba Sylvestre,yaganiriye na FunClub ku murongo wa telefoni ahakana ibyatangajwe na Sugira.

Yagize ati “Ibyo Sugira yabatangarije ni ibinyoma kuko APR FC itigeze imutiza ikipe ya Police FC, ntabwo watiza umukinnyi ahantu batigeze bamutira.Biradutangaje kuko tubibonye mu bitangazamakuru no ku mbuga nkoranyambaga za Sugira Ernest turumirwa.”

Umunyamabanga mukuru wa Police FC, CIP Maurice Karangwa,nawe yahamije ko batigeze batira Sugira Ernest mu ikipe ya APR FC.

Yagize ati “ Ntabwo Police FC yigeze isaba Sugira mu ikipe ya APR FC kandi APR FC ntabwo yaduha umukinnyi tutasabye kuko bitabaho.Gusa umutoza yatubwiye ko ari umukinnyi mwiza tumubonye yadufasha , twateganyaga kumusaba muri APR FC ariko ntabwo byari byagakozwe.”

Umunyamabanga mukuru wa APR FC yavuga ko Sugira Ernest yatiwe n’amakipe arimo Rayon Sports na Gasogi United atasabwe n’ikipe ya Police FC.

Funclub yamubajije niba koko bari kumutiza muri Rayon Sports, avuga ko bari bategereje gusubiza ikipe ya Rayon Sports ariko ntiyavuga igisubizo bari guha iyi kipe.

Funclub.rw yatangaje ko yamenye amakuru ko amakosa Sugira Ernest yakoze ashobora kumuviramo ibindi bihano biremereye nyuma y’ibyo yari amazemo amezi 2 byo kwitoreza mu bana ndetse no kugabanyirizwa umushahara.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2236 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4514 0

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 3342 0

Rutanga Eric ashobora kuva muri Police FC igitaraganya kubera indi kipe...

Myugariro Rutanga Eric ukina inyuma ku ruhande rw’ibumoso mu ikipe y’igihugu...
1 June 2020 Yasuwe: 7526 2

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 4929 0

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 5854 1