Kigali
dnd

Sugira Ernest wari umaze amezi 2 mu bihano yatijwe Police FC

Imyidagaduro   Yanditswe na: Dusingizimana Remy 28 December 2019 Yasuwe: 3110

Rutahizamu Sugira Ernest wari umaze amezi 2 ari mu bihano yahawe n’ubuyobozi bwa APR FC akinira,yamaze gutizwa ikipe ya Police FC mu gihe cy’amezi 6 asigaye ngo shampiyona irangire.



Nkuko amakuru dukesha ikinyamakuru Funclub abitangaza,ubuyobozi bwa APR FC bwabwiye Sugira Ernest ko batazamukoresha mu mikino isigaye ya shampiyona ariyo mpamvu bwahise bumutiza muri Police FC.

Kuwa 24 Ukwakira 2019, APR FC yahagaritse Sugira amezi 2 atagaragara mu ikipe nkuru kubera amakosa 5 yashinjwe arimo amagambo yatangaje nyuma yo gufasha Amavubi gusezerera Ethiopia mu gushaka itike ya CHAN 2020,ko yiyumva mu Mavubi kurusha APR FC yari yarabuzemo umwanya.

Uretse kumuhagarika,yagabanyirijwe umushahara ndetse ategekwa gukorera imyitozo mu ishuri ry’umupira w’amaguru rya APR FC.

Ibi bihano byarangiye mbere ya noheli gusa umutoza Adil yari yabwiye abanyamakuru ko adakeneye Sugira Ernest ariyo mpamvu bamurekuye.

Amakuru avuga ko amakipe nka Gasogi United,Rayon Sports,AS Kigali zamwifuzaga ariko Police FC yaziruhije amahirwe iramwegukana.

Sugira yifuzaga mbere na mbere kwerekeza mu ikipe izakomeza kumuhemba nk’ibyo yabonaga, ariko akabona n’umwanya wo gukina kugira ngo azabashe kwerekeza muri CHAN 2020 yagizemo uruhare runini kugira ngo Amavubi abone itike.

Sugira Ernest w’imyaka 28, yakiniye APR FC bwa mbere mu mwaka w’imikino wa 2013/14 ubwo yari avuye muri AS Muhanga, ariko nyuma yo kudahirwa yerekeza muri AS Kigali.

Yagarutse muri iyi kipe y’ingabo muri Kanama 2017 amaze gutandukana na AS Vita Club, ahita agira imvune yatumye amara umwaka urenga adakina.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Batshuayi amerewe nabi n’umugore yateye inda akamwima indezo y’umwana

Rutahizamu wa Chelsea FC,Mitchy Batshuayi yajyanwe mu nkiko n’uwahoze ari...
19 January 2020 Yasuwe: 2222 0

Mohamed Salah yishongoye kuri Manchester United yabatesheje...

Umunya Misiri Mohamed Salah ukina mu ikipe ya Liverpool yavuze ko ikipe ya...
19 January 2020 Yasuwe: 3497 0

APR FC y’abakinnyi 10 yananiwe gutsinda Etincelles FC bifasha Rayon Sports...

Igitego cya Etincelles FC ku munota wa nyuma cyatumye abafana n’abakinnyi ba...
18 January 2020 Yasuwe: 3851 0

Sefu yahishuye abatoza 3 adashobora kwibagirwa kandi azahora ashimira mu...

Niyonzima Olivier Sefu ukinira APR FC,avuga ko kuva yatangira ruhago hari...
18 January 2020 Yasuwe: 4275 0

Ally Niyonzima yahishuye impamvu yahisemo gusinyira ikipe ya Rayon Sports...

Umukinnyi wohagati mu kibuga Ally Niyonzima wari usanzwe akina muri Oman,...
17 January 2020 Yasuwe: 3396 0

Xavi yavuze impamvu yanze gutoza ikipe ya FC Barcelona

Umunyabigwi Xavi Hernandez wakiniye igihe kinini FC Barcelona akayihesha...
17 January 2020 Yasuwe: 3323 0