Kigali

Sugira na bagenzi be bafashije Rayon Sports guha isomo rya ruhago Intare FC

Imyidagaduro   Yanditswe na: Dusingizimana Remy 5 February 2020 Yasuwe: 5040

Abana bo mu ishuri rya ruhago rya APR FC ntiborohewe n’imirindi y’abakinnyi ba Rayon Sports babigirijeho nkana babatsinda ibitego 4-0 mu mukino ubanza w’ijonjora rya mbere ry’igikombe cy’Amahoro wabereye kuri Stade ya Kigali.



Nyuma y’igihe abakunzi ba Rayon Sports bari bamaze bakumbuye ikipe yabo yanze gukina igikombe cy’Intwari,yagarutse mu cy’Amahoro inyagira abana b’umukeba ibitego 4-0.

Rayon Sports ntiyatinze kwereka Intare ko amazi atari ya yandi yo mu cyiciro cya kabiri,ubwo ku munota wa 9 w’umukino rutahizamu Drissa Dagnogo ukomeje kwigaragaza yafunguraga amazamu ku gitego cy’umutwe, ku mupira wahinduwe na Radu ku ruhande rw’iburyo.

Ntibyatinze ku munota wa 15 rutahizamu Sugira Ernest ashyiramo igitego cya kabiri mu gihe ku munota wa 33 Sekamana Maxime yashyizemo igitego cya 3 cyatumye Rayon Sports irangiza igice cya mbere iyoboye n’ibitego 3-0.

Igice cya kabiri Rayon Sports yagitangiranye ubukaka ndetse ku munota wa 56 w’umukino yongera imbaraga mu busatirizi, Drissa Dagnogo watsinze igitego cya mbere asimburwa na Mugisha Gilbert.

Uyu Mugisha Gilbert ntiyatindiganyije, kuko ku munota wa 65 yatsinze igitego cya kane cya Rayon Sports ku mupira yaherejwe neza na Nshimiyimana Amran.
Rayon Sports yagerageje gushaka uko yakwihaniza iyi kipe y’Intare FC ariko ba rutahizamu bayo barimo kabuhariwe Sugira Ernest ntibahirwa n’uburyo bagerageje imbere y’izamu.

Rayon Sports yashimangiye ikirenge cyayo mu mikino ya 1/8 cy’igikombe cy’Amahoro cy’uyu mwaka kubera ibi bitego 4-0 yatsinze Intare FC imu mukino ubanza. Intare FC ishobora gukora ibitangaza igihe Rayon Sports yakwirara mu mukino wo kwishyura uzaba mu cyumweru gitaha hagati ya tariki ya 11 n’iya 12 Gashyantare 2020.

Uko indi mikino yo kuri uyu wa Gatatu yagenze:

Kiyovu Sports 0-0 AS KIGALI
Impessa 1-0 Etincelles
Rwamagana 2-2 Gicumbi FC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Wa munyamakuru we na we urasetsa koko! ngo babigirijeho nkana? none se mu irushanwa hari imikino iba irimo? bari kuborohera se ngo ni uko ari abana? iyo byiswe guhatanira igikombe cyizatuma usohokera Igihugu bihindura isura we! Congs to Gikundiro.

    2 weeks ago

Inzindi nkuru

Youri Djorkaeff wahesheje Ubufaransa igikombe cy’isi 1998 agiye gusura u...

Uwahoze ari umukinnyi ukomeye mu ikipe y’Ubufaransa, Youri Djorkaeff,...
25 February 2020 Yasuwe: 1011 0

#TdRwanda:Restrepo yegukanye agace ka 3 kanyuze muri Nyungwe,Biniam ahita...

Umunya Colombia witwa Restrepo Jhonatan ukinira ikipe ya Androni...
25 February 2020 Yasuwe: 1792 0

Umugore wa Kobe Bryant yareze kompanyi y’indege yahitanye abarimo umugabo we...

Umupfakazi wa Kobe Bryant witwa Vanessa Bryant yatanze ikirego mu rukiko...
25 February 2020 Yasuwe: 1123 0

Umukinnyi wa Liverpool yicujije ubugome yakoreye Lionel Messi

Myugariro wa Liverpool, Andy Robertson,yatangaje ko yicuza cyane kubera...
25 February 2020 Yasuwe: 3357 0

Ikipe ifanwa n’abakobwa bakurura abagabo kurusha abandi mu Bwongereza...

Ubushakashatsi bwakozwe n’ikigo cyitwa Free Super Tips ku makipe yose yo mu...
25 February 2020 Yasuwe: 3340 0

Robertinho yasembuye abafana ba Rayon Sports kubera ubutumwa yashyize kuri...

Umutoza Roberto Oliveira Goncalves do Carmo uzwi nka Robertinho yasembuye...
25 February 2020 Yasuwe: 9263 3