addresiya
Kigali
startimes

#TdRwanda:Natnael Tesfazion yatwaye agace ka kane ahita yambara umwenda w’umuhondo

Imyidagaduro   Yanditswe na: Dusingizimana Remy 26 February 2020 Yasuwe: 3190

Umukinnyi w’ikipe ya Eritrea witwa Tesfazion Natnael niwe wegukanye agace karekare kurusha utundi muri Tour du Rwanda ya 2020 nyuma yo gutsinda bagenzi be babiri barimo Main Kent na Mugisha Moise wabaye umunyarwanda wa mbere ubashije kurangiza hafi mu gace ko muri Tour du Rwanda y’uyu mwaka.



Irushanwa rya Tour du Rwanda ryakinwaga agace karyo ka kane kareshyaga n’ibirometero 206 na metero 300 aho abakinnyi bahagurutse i Rusizi bagasoreza i Rubavu banyuze mu muhanda mushya wa Kivu Belt.

Abakinnyi 74 ni bo bahagurutse berekeza i Rubavu mu gihe abakinnyi batandatu ari bo bamaze kuva muri iri siganwa kuva ryatangira.

Abamaze kuva mu irushanwa ni Lemos Hélvio Jamba (Bai Sicasal), Avila Vanegas (Israel Start - Up Nation), Eyob Metkel (Terengganu Inc), Chablaoui Oussama (GSP), Behringer Oliver (Novo Nordisk) & Rochas Rémy (NIPPO Delko).

Ubwo isiganwa ryari rimaze ibirometero bike ritangiye,abakinnyi 20 barimo Debesay Mekteb, Ligthart (Total), Ourselin (Total), Tesfazion (Erythrée), Main (Pro Touch), Kruger (Pro Touch), Basson (Pro Touch), Ravanelli (Androni), Areruya (Rwanda), Lahav (Israel), Ovett (Israel), Araujo (BAI), Oyarzun (BAI), Rajovic (Nippo), Moise Mugisha (SACA), Manizabayo Eric (Benediction), Kipkemboi (Bike Aid), Buru (Ethiopie), Jurado (Terengganu), Shtein (Vino).

Aba bakinnyi bahuje imbaraga batangira gusiga igikundi kirimo Hailu Girmay wambaye umwenda w’umuhondo iminota 10’45.

Ubwo abakinnyi bari bamaze gukora ibirometero 104, bingana na 1/2 cy’agace kose,abakinnyi 19 bari imbere bari bamaze gusiga bagenzi babo iminota 5’15”.

Ikipe ya Nippo-Delko yigaragaje cyane kuko yagerageje kuyobora igikundi no kugabanya ibihe cyari cyashyizwemo n’aba bakinnyi 19 banafasha mugenzi wabo Hailu Girmay wambaye umwenda w’umuhondo.

Ubwo abakinnyi bari bamaze gukora ibirometero 138, Manizabayo Eric ukinira Benediction, yavuye mu gikundi cyari kiyoboye isiganwa, ubu amaze kubashagena wenyine ahita ashyiramo ikinyuranyo cy’amasegonda 20.

Hashize ibirometero 170,abakinnyi barimo Areruya, Manizabayo, Shtein, Buru, Ravanelli, Kruger nibo bari bayoboye irushanwa.

Hashize ibirometero 191, irushanwa ryari riyobowe na Mugisha Mugisha (Skol), Tesfazion (Erythrée) na Kent Main (Pro Touch).

Hashize ibirometero 200 , aba basore 3 barushaga iminota irenga 5 igikundi cyarimo uwambaye umwenda w’umuhondo, bakomeje gukubana kugeza ubwo umunya Eritrea, Tesfazion Natnael yegukanye aka gace acitse uwitwa Kent Main mu gihe Umunyarwanda Mugisha Moise wa SACA yabaye uwa 3.

Nyuma yo guhatana akaza ku mwanya wa gatatu muri aka gace ka kane, Umunyarwanda Mugisha Moise yahise afata umwanya wa kabiri ku rutonde rusange.

Tesfatsion w’imyaka 20, asanzwe akinira ikipe ya NTT Continental Cycling Team yahoze ari yitwa Dimension Data for Qhubeka yagezemo muri 2019.Muri iyi Tour du Rwanda ari gukinira Eritrea aho ahabwa amahirwe menshi yo kuba yayegukana.

Muri La Tropicale Amissa Bongo ya 2020, Tesfazion yarangije ku mwanya wa kabiri ku rutonde rusange asizwe isegonda n’uwaryegukanye ndetse yanegukanye agace kayo ka kabiri.




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

LA Galaxy yirukanye umukinnyi wayo imuziza amagambo yuzuye urwango yavuzwe...

Ikipe ya LA Galaxy yirukanye umukinnyi wayo wo hagati witwa Aleksandar...
6 June 2020 Yasuwe: 89 0

Gatsibo: Ushinzwe imibereho myiza y’abaturage mu kagari ka Nyabikiri yatawe...

Umukozi ushinzwe iterambere n’imibereho myiza y’abaturage mu Kagari ka...
6 June 2020 Yasuwe: 330 0

Rayon Sports yanze ubwegure bw’Umunyamabanga wayo wari weguye mu minsi...

Ikipe ya Rayon Sports yatesheje agaciro ubwegure bw’umunyamabanga mukuru...
6 June 2020 Yasuwe: 1052 0

Kakule Mugheni yasezeye ku bakunzi ba Rayon Sports nyuma yo kutumvikana...

Umukongomani Kakule Mugheni Fabrice yasezeye ku bakunzi ba Rayon Sports...
6 June 2020 Yasuwe: 1425 0

Luka Modric yahishuye uko Mourinho yari agiye kurwanira na Cristiano...

Umukinnyi wo hagati mu ikipe ya Real Madrid yatangaje ko muri 2013 mugenzi...
6 June 2020 Yasuwe: 1271 0

Gicumbi FC yiyemeje kurega FERWAFA yayimanuye mu kiciro cya kabiri muri...

Nyuma y’uko Gicucmbi FC ijuririye icyemezo cya Komite nyobozi cyo kuyimanura...
6 June 2020 Yasuwe: 743 0