skol
Kigali
startimes

Tottenham yagaruye kizigenza yirereye Gareth Bale

Imyidagaduro   Yanditswe na: Dusingizimana Remy 19 September 2020 Yasuwe: 2035

Ikipe ya Tottenham yamaze gutangaza ko yagaruye umunya Wales,Gareth Bale imukuye mu ikipe ya Real Madrid bamugurishijemo mu mwaka wa 2013 akayabo ka miliyoni 86 z’amapawundi.


Bale yaje muri iyi kipe nk’intizanyo aho yahawe nimero 09 gusa ntabwo arahita akina kuko afite imvune yakuye mu ikipe y’igihugu.Yari amaze imyaka 7 muri Real Madrid.

Uyu mukinnyi umaze igihe kinini adakina,agiye guhabwa imyitozo ihagije kugira ngo ajye ku rwego rwiza rwo kuba yakongera kwisanga muri Premier League nkuko yari ameze muri 2012.

Amakuru aravuga ko Bale azagaruka mu kibuga mu Ukwakira ubwo imikino mpuzamahanga y’ibihugu izaba irangiye.

Bale yatangaje ati “Ni byiza cyane kuba ngarutse mu ikipe nubakiyemo izina.Nahoraga ndota kugaruka.Ndashoje,mfite ubushake sinjye uzarota ntangiye gukina.Ndashaka kugaruka mu bihe byiza kandi nizeye ko nzafasha ikipe kwegukana ibikombe.

Nizere ko nzagarura umwuka mwiza wo gutsinda.Ndashaka kugeza ikipe ku rwego rwiza rwo gutwara ibikombe.Kubikora muri Tottenham bizaba ari inzozi zibaye impamo.”

Bale yagereye rimwe muri Tottenham na mugenzi we bakinanaga witwa Sergio Reguilon waguzwe milliyoni 32 z’amapawundi.”

Bale yavuye muri Tottenham muri 2013 aguzwe miliyoni 86 z’amapawundi ariko umubano we na Zidane wabaye mubi cyane bituma abura umwanya wo gukina mu mwaka w’imikino ushize.

Real Maddrid yifuzaga kugabanya umushahara yatangaga kuri Gareth Bale kuko ku cyumweru yamutangagaho ibihumbi 650 by’amapawundi gusa biravugwa ko izajya itanga 50 ku ijana.

Amasezerano ya Bale muri Madrid agomba kurangira muri 2022 gusa kuva shampiyona yagaruka nyuma ya Guma mu rugo yakinnye iminota 100 gusa.

Ikipe ya Tottenham yatsinze Manchester United ku kubona uyu mugabo ukomoka muri Wales.





Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Lionel Messi yageneye ubutumwa Cristiano Ronaldo urwaye Covid-19 mbere yo...

Kizigenza Lionel Messi ukinira ikipe ya FC Barcelona yavuze ko atifuza...
26 October 2020 Yasuwe: 2049 0

Pogba yise ibihuha amakuru yavugaga ko yasezeye mu ikipe y’igihugu...

Abicishije ku rubuga rwe rwa Twitter Pogba yamaganye inkuru zivuga ko...
26 October 2020 Yasuwe: 572 0

Cristiano Ronaldo ari mu mazi abira kubera ibyo aherutse gukorera mu...

Rutahizamu ukomeye wa Juventus, Cristiano Ronaldo,ari gukorwaho iperereza...
26 October 2020 Yasuwe: 2642 0

Amavubi yasezereye abakinnyi 5 barimo Bayisenge Emery mbere yo kugaruka mu...

Kuri uyu wa Mbere tariki 26 Ukwakira 2020, nibwo ikipe y’igihugu Amavubi...
26 October 2020 Yasuwe: 2208 0

Biravugwa ko Paul Pogba yasezeye mu ikipe y’igihugu y’Ubufaransa kubera...

Umukinnyi Paul Pogba ukina hagati mu ikipe ya Manchester United no mu ikipe...
26 October 2020 Yasuwe: 3410 0

Abantu 06 banduye Covid-19 mu Rwanda mu gihe abandi 24 bayikize

Minisiteri y’Ubuzima yatangaje ko kuri iki cyumweru tariki ya 25 Ukwakira...
25 October 2020 Yasuwe: 1053 0