Kigali

TP Mazembe yongeye gutumirwa muri CECAFA I Kigali nyuma y’amahano iheruka kuhakorera

Imyidagaduro   Yanditswe na: Dusingizimana Remy 17 June 2019 Yasuwe: 2327

Ikipe ya TP Mazembe iheruka gukorera amahano I Kigali muri 2010 ubwo umukinnyi wayo Tresor Mputu yakubitaga umusifuzi w’umunya-Ethiopia,yongeye gutumirwa muri CECAFA Kagame Cup uyu mwaka kugira ngo isimbure amakipe yo muri Tanzania yateye inyoni amahirwe yo kwitabira iri rushanwa.



Byamaze kwemezwa ko ikipe ya TP Mazambe yemeye kwitabira irushanwa rya CECAFA nk’ikipe ya gatatu yo muri Repubulika Iharanira Demokarasi ya Congo izitaryitabira nyuma ya AS VITA Club, Daring Motambe Pembe [DCMP].

Irushanwa rihuza amakipe yo mu karere ka Afurika y’Uburasirazuba n’iyo Hagati, CECAFA Kagame Cup, rizabera i Kigali tariki ya 7 kugeza ku ya 21 Nyakanga 2019.

TP Mazembe igiye kwitabira iri rushanwa ku nshuro ya 3, yaherukaga kwitabira CECAFA muri 2010 ubwo yatezaga imvururu mu mukino yakinaga na APR FC muri CECAFA Kagame cup kuri sitade Amahoro,bikarangira abakinnyi bayo banze gusubira mu kibuga kubera icyemezo cy’umusifuzi batishimiye, ndetse bituma uwitwa Mputu akubita uyu musifuzi imigeri mu gatuza,bimuviramo guhagarikwa n’Ishyirahamwe ry’umupira w’amaguru ku isi (FIFA) umwaka wose adakina.



Umuyobozi wa TP Mazembe, Moïse Katumbi, yatangarije urubuga rwayo rwa internet ko yishimiye ko ikipe yatumiwe muri CECAFA Kagame Cup yahujwe no kuba u Rwanda rwibuka ku nshuro ya 25 Jenoside yakorewe abatutsi mu 1994.

Amakipe arimo Azam FC ifite iki gikombe na KMC FC niyo azahagararira Tanzania muri iki gikombe yiyongera kuri TP Mazembe, AS Vita , DCMP zo muri RDC,KCCA FC (Uganda)ziziyongera ku bindi bigugu birimo Zesco na Gor Mahia.U Rwanda ruzaba ruhagarariwe na Rayon Sports, APR FC na Mukura VS.Andi makipe yitezwe n’ayo mu bihugu nka Somalia,Burundi,Eritrea, Djibouti, Ethiopia,Sudan na Sudan y’Amajyepfo.



TP Mazembe yemeye kongera kwitabira CECAFA I Kigali nyuma yo kuhakubitira umusifuzi

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Ruhago

    Nonese niba dukoresha inama i Kigali abayobozi bu Burundi ntibaze kubera ikibazo cy’umutekano wabo murumva ikipe yabo izaza? Kimwe na Uganda?

    June 2019

Inzindi nkuru

Xavi yatangaje undi mukinnyi bakinannye ashyira ku rwego rumwe na Lionel...

Kabuhariwe Xavi Hernandez wahoze akinira ikipe ya FC Barcelona yavuze ko...
6 April 2020 Yasuwe: 2999 0

Umukinnyi wa Manchester City ari mu mazi abira kubera gukora ikirori...

Mu Bwongereza no mu bindi bihugu bitandukanye byo ku isi abantu bose...
5 April 2020 Yasuwe: 6965 1

Amb. Nduhungirehe yasubije perezida wa Rayon Sports wasabye Leta guhemba...

Amb. Nduhungirehe Olivier, Umunyamabanga wa Leta muri Minisiteri y’Ububanyi...
5 April 2020 Yasuwe: 5870 3

UEFA yafashe icyemezo ndakuka kuri Champions League na Europa League...

Ishyirahamwe ry’umupira w’amaguru I burayi “UEFA”ryamaze gufata umwanzuro...
5 April 2020 Yasuwe: 6533 0

Xavi wamamaye muri FC Barcelona yatanze akayabo k’amadolari yo gufasha uyu...

Xavi Hernandez wamenyekanye cyane mu ikipe ya Barcelona n’umugore we Nuria...
4 April 2020 Yasuwe: 1757 0

Perezida wa Rayon Sports yasabye ikintu gikomeye Leta nyuma y’ubutumwa...

Perezida wa Rayon Sports Munyakazi Sadate yashimiye Minisitiri wa siporo...
4 April 2020 Yasuwe: 4703 0